Бюджет акчалары сагында

1918 елдан башлап ХХ га­сырның 90нчы еллар башына кадәр бюджет үтәлешен хезмәт­ләндерү функциясе СССР дәүләт банкының өстенлекле системасы була.

Русия Федерациясенең финанс министрлыгы составында Федераль казначейлык органна­рының заманча системасы РФ Президентының 1992 елның 8 декабрендәге “Федераль казначейлык турында”гы 1556нчы санлы Указы нигезендә яңадан төзелә. Шул вакыттан алып Русиядә казначейлык тер­гезелә. 1999 ел урталарында РФ Хөкүмәте карары белән 2000-2004 елларга федераль казначейлык органнарын үстерү буенча Федераль максатлы программа кабул ителә. Аның төп максаты – дәүләт финанс ресурсларына идарә итү нәтиҗәлеген арттыру һәм аны контрольдә тоту коралы буларак бу системаны үстерү. 2000 елның 1 гыйнварында РФ Бюджет кодексы гамәлгә керү белән Федераль казначейлык яңа үсеш ала. 2000-2002 еллар дәвамында 89 идарә һәм 2254 бүлекчәдән торган федераль казначейлык органының вертикаль структурасы төзү тәмамлана. 2002 елда РФ Оборона министрлыгының аерым учреждениеләреннән башка барлык федераль учреждениеләр федераль казначейлык органнары аша хезмәтләндерүгә күчерелә. Шулай ук Федераль учреж­дение­ләрнең бюджеттан тыш акчалары буенча операцияләр дә аларның күзәтүе астына алына.

Оптимизация юлы буенча

Кырмыскалы районы буенча казначейлык бүлекчәсе Башкортстан Республикасы Федераль казначейлык идарә­легенең 2001 елның 30 декабрендәге “Русия Федерациясе Финанс ми­нистр­лы­гының Башкортстан Республикасы буенча бүлек­чәләрен төзү турында”гы 336нчы санлы боерыгына ярашлы төзелә.

Федераль казначейлык структураларын һәм функцияләрен оптимизацияләү концепциясенә ярашлы, 2011 елда территориаль бүлекләр сыйфатында бүлек­чәләр Башкортстан Республикасы Федераль казначейлык идарәлегенә кушыла.

Елдан-ел бүлекчәнең структурасы һәм аның функцияләре үзгәреп тора. 2011 елның октяб­реннән 29нчы санлы бүлек БР Федераль казначейлык идарә­легенең структура бүлекчәсе булып тора һәм ул район биләмә­сендә Идарәлек вәкаләт­ләрен гамәлгә ашыру өчен төзелә. Бүлек эшчәнлеген Идарәлекнең структура бүлекчәләре, Русия Федерациясе һәм Башкортстан Республикасы башкарма власть органнары, урындагы үзидарә, кредит оешмалары һәм башка оешмалар һәм учреж­денияләр белән бергә алып бара.

Бүлекнең бурычы – район биләмә­сендә, Башкортстан Республикасы һәм урындагы федераль бюджет үтәлешен хезмәт­ләндерү. Бүгенге көндә бүлектә 20 клиент хезмәтләндерелә, алар өчен 22 шәхси исәп ачылган. Көн саен Ерактагы финанс документ әйләнеше системасы аша федераль, республика һәм урындагы бюджет акчаларын алучы­ларның 200дән артык түләүләре эшкәртелә.

Ра­­­йон эчке эшләр, суд приставлары бүлекләре, Пенсия фонды идарәлеге, муниципаль район хакимиятенең финанс идарәлеге, уналты авыл билә­мәсе безнең карамакта. Федераль казначейлык идарә­легендә аларга бюджет өчен шәхси исәп­ләр ачылган, анда бюджет килемнәре һәм чыгымнары исәпкә алына, казначейлык белгечләре тарафыннан клиент­ларның исәп-хисап, банктан тыш документлары, банк өземтәләре, ял һәм отчет формалары эшкәртелә һәм теркәлә, шулай ук оешмаларның исәп-хисап (дебит) карталарын файдаланып, кулдан акча белән тәэмин итү буенча операцияләр башкарыла.

Федераль казначейлыкның 2014-2018 елларга билгеләнгән Стратегик картасындагы бурыч­ларның берсен тормышка ашыру йөзеннән 2015 елдан башлап “Электрон бюджет” дәүләт мәгъ­лүмат системасына кушу һәм кертү буенча зур эш башкарылды. Хәзерге вакытта районның 74 оешмасы “Электрон бюджет” дәү­ләт мәгълүмат системасына кертелгән. Агымдагы елның сентябреннән бюджет бурычлары бу система буенча исәпкә алына һәм контрольдә тотыла. Киләчәктә клиентларның банк өземтәләрен эшкәртү буенча эш алып барылачак.

Инновацион технологияләр нигезендә

Бу еллар эчендә бик күп новаторлык идеяләре кертелде. “Русия Феде­рациясенең казначейлык системасын модер­низацияләү” проектының берсе -“Федераль казначей­лык­ның автоматлаштырылган системасы”н куллану. Бу Русия Феде­рациясенең бюджет системасын бердәмләштерергә булышлык итте.

2010 елда товарларга заказлар, башкарылган эшләр, күрсәтел­гән хезмәтләр турында Интернет челтәрендә Гомум Русия сайты (www.zakupki.gov.ru) төзү, заказ­чыларның җыелма исемлеген алып бару, дәүләт һәм муниципаль түләүләр турында Дәүләт мәгълүмат системасы кертү дә мөһим вакыйга булып тора.

Онлайн режимда финанс документлар әйләнеше системасы уңышлы эшләп килә. Бу мәгъ­лүматларны саклаучы заманча чара түләү документларын эш­кәртү вакытын шактый киме­тергә, бюджет акчаларын нәти­җәле тотынырга һәм хезмәт җитештерүчәнлеген арттырырга булышлык итә.

2011 елның октябреннән бү­лектә 5 хезмәткәр эшли. Бүлек­нең ике белгече - Сәлимә Вафа кызы Йосыпова һәм Рәйсә Әхәт кызы Гәрәева бүлекчә төзелгән көннән бирле хезмәт сала.

Хезмәттә ирешкән уңыш­лары, федераль казначейлык органнарына керткән казанышлары өчен 2007 елда С.В. Йосыпова Федераль казначейлыкның Мактау грамотасы һәм Башкорт­станның Русия составына кушылуына 450 ел тулуына багышланган Спартакиадада актив катнашканы һәм федераль казначейлык органы төзелүгә 15 ел тулу уңаеннан Федераль казначейлык идарәлегенең грамотасы белән бүләкләнде. Р.Ә Гәрә­еваның күпьеллык намуслы хезмәте Башкортстан Республикасы Федераль казначейлык ида­­рәлегенең Рәхмәт хаты белән бил­геләнде.

Бүлек коллективын һәм ветераннарны Русия казначейлыгы төзелүгә 25 ел тулу уңаеннан кайнар котлыйм һәм барсына да ныклы сәламәтлек, озын гомер һәм шатлык-куанычлар телим.