Якташ шагыйрәгә багышлап

Бозаяз модельле авыл китап­ханәсе мөдире Әлфинә Мостаева юбилярның тормыш һәм иҗат юлына байкау ясады. Аның чыгышын авыл биләмәсенең эшләргә идарә итүчесе Флүзә Сөләйманова, ветераннар оешмасы рәисе Рәшит Жданов, “Кызыл таң” гәзите һәм “Тол­пар” журналы журналисты Рәзилә Низамова, Үзәкләштерелгән китап­ха­нәләр системасы директоры Миләүшә Бикмәтова, методика бүлеге мөдире Надежда Гогитидзе һәм башкалар тулыландырды. Үзеш­чән сән­гатьтә катнашучылар Флюр Абдиев, Венера Макаева, Әлфия Бик­мәтова, Олег Акбашев һәм мәк­тәп укучылары юбилярның җыр­ларын башкардылар, әсәр­ләреннән өзекләр укыдылар. Хезмәт ветераны, үзешчән композитор Марс Мостаев Дилә Булгакова шигырьләренә язылган көй­ләрне башкарды. Авыл биләмәсе башлыгы Илдар Латыйпов аңа изге теләк­ләрен җиткерде.

Дилә Хәмзә кызы чараны оештыручыларга һәм аның талантын сөючеләргә рәхмәт белдерде, берничә шигырен укып ишеттерде һәм китапларын бүләк итте.

Мидхәт Рәҗәпов.

Бозаяз авылы.