Мөһим мәсьәләләр тикшерделәр

Очрашуга хуҗалык, оешма һәм пред­прия­тие җитәкчеләре, шулай ук район активы чакырылды. Чараны муниципаль район хакимияте башлыгы Ф.Ф.Чыңгызов алып барды.

Павел Рюрикович “Шә­һәр мохите” проектының тормышка ашырылуына аеруча игътибар бирде.

- 3 ел эчендә бу программа буенча илдә 25 миллиард сум акча бүленде. Бу акчалар 1000нән артык кеше яшәгән авылларны төзекләндерүгә юнәл­телде. Алдагы 6 елда бүлен­гән акча күләме 6 тапкырга арттырылачак. Бүген Башкортстан Республикасы “Шәһәр мохите” проектын тормышка ашыру өчен федераль бюджеттан - 856 мил­лион сум, ә Кырмыскалы районы 14 миллион сум акча алса, якын ки­ләчәктә бу сан ике тапкырга артачак һәм район 28 миллион сум күләмендә субвенция алачак. Бүген волонтер хәрәкәте һәм Гомум халык фронты контроле эшли. Ягъни, барлык эш­ләр дә вакытында һәм сыйфатлы итеп башкарылырга, акчалар максатлы тотынылырга тиеш. Бу проект халык проекты булырга, ягъни нәрсә эшләргә, ничек эшләргә халык үзе хәл итәргә тиеш, - дип белдерде Павел Качкаев.

Чыгыш ясаучылар шулай ук яшь гаиләләрне борчыган проблемаларга тукталып үттеләр.

- 2017 елда 3 миллион гаилә торак шартларын яхшыртты. Безнең бурыч – алдагы 6 ел эчендә бу санны 5 миллионга кадәр җиткерү. Президент Мө­рә­җ­әгатьнамәсендә якын вакытта ипотека кредитларын 7-8 процентка кадәр төшерергә, дигән бурыч куелды. Бүгенге көндә ипотека кредиты буенча процент ставкасы 9,5 процентка кадәр киметелде. Якын вакытта ясле төркемнәре төзү кебек тагы бер мөһим бурыч хәл ителә. 3 яшькә кадәрге балалар өчен 270000 урынлык балалар бакчасы төзеләчәк. Бу максаттан 50 миллиард сум акча бүленде, - диде Павел Рюрикович.

Чыгышта шулай ук пенсия, югары тизлекле интернет, электр энергиясе белән тәэмин итү, юлларны төзекләндерүгә кагылышлы мәсьәләләр тикшерелде.

Арытабангы очрашу “сорау – җавап” форма­тын­да үтте. Павел Рюриковичка экология, чүп-чар яндыру заводлары төзү, торак-коммуналь хуҗалык­лары булдыру кебек төрле темаларга кагылышлы сораулар бирелде.

Ринат Әбделманов.