Радий Хәбиров: “Башкортстан кече бизнес өчен Клондайкка әйләнәчәк”

Республика җитәкчесе Радий Хәбиров Башкортстанның киләчәген урта һәм кече бизнес үсешендә күрә.

- Зур предрприятиеләр бездән башка да үсешәчәк. Безнең аларга комачауламавыбыз, ә аларның инвестицион программалары булу мөһим. Республиканың без позитив йогынты ясый алган икъисад өлеше – кече һәм урта бизнес. Мин сездә республиканың киләчәген күрәм. Һәм минем бурычым – сезгә эшләргә уңайлы булсын өчен мөмкин кадәр күп тырышлык салу, - диде Радий Хәбиров бүген “Мой бизнес” үзәге ачылуга җыелган республика эшкуарларына.

Радий Фәрит улы әйтүенчә, бер-ике елдан республика кече бизнес өчен Клондайкка әйләнәчәк. Моның өчен власть уңайлы мохит тудырырга тиеш.

Уфада инде бизнес-проектларны тормышка ашыру өчен инновацион мәйданчыклар эшли башлады. Шулай ук киң инструментарий бар – теркәлүдә булышлык итүдән һәм кирәкле документларны алудан башлап продукция экспортына ярдәм итүгә кадәр.

https://kiziltan.rbsmi.ru/articles/ekonomika/radiy-kh-birov-bashkortstan-keche-biznes-chen-klondaykka-yl-n-ch-k/

”Фото: "Башинформ"