Үзән
+9 °С
Болытлы
Барлык яңалыклар
Җәмгыять
12 июль 2019, 12:26

Подъездлар ремонтлана башлады

“Бердәм Русия” партиясенең “Шәһәр мохите” проекты чикләрендә, Кабак һәм Олыкүл авылларындагы күпфатирлы йорт подъездларын ремонтлау тулы куәткә бара.

Кабак авылындагы Төзүчеләр урамында урнашкан 8нче санлы күпфатирлы йорт подъездындагы тәрәзәләр һәм ишекләр алмаштырылган. Стеналары һәм түшәмнәре чистартылган, тигезләтелгән. Биредәге эшләр “Строй­­бытсервис” җәмгыяте тарафыннан башкарыла. Мастер Виктория Верягина безне Кабак авылындагы башка йорт подъездларында ремонтланасы эшләр белән таныштырып чыкты. Шулай, тәрәзә яңак-лары алмаштырылачак, идәнгә керамик плитка җәеләчәк. Шулай ук иске тәрәзәләр, ишек­ләр яңаларына алмаштырылачак, яңа почта тартмалары урнаштырылачак.
– Мин бу йортта 15 ел яшим. Әлбәттә, һәркем үзе яшәгән подъездның матур булуын тели. Подъезд – күп катлы йортның йөзе ул. Анда чиста, төзек, якты, җылы икән, кәеф күтәрелеп китә. Пычрак, караңгы подъездларга керәсе дә килми. Ремонт башлауларына мин шатмын. Төзүчеләр эшләрен сыйфатлы башкара, без канәгать, - диде шул йортта яшәүче Вил Морадымов.
“Стройбытсервис” җәмгыяте районның дүрт авылында 12 күпфатирлы йортның 26 подъездында ремонт үткәрәчәк. Олыкүл авы­лындагы Октябрь­нең 60 еллыгы урамындагы 71,79, 82нче санлы йортларның тәрәзәләре алмаштырылган, стеналары тигезләнгән, буялган. Якын вакытта беренче каттагы идәнгә плиткалар түши башлаячаклар. Димәк, тиз­дән халык матур подъездларны күрәчәк.
Әлфия Йомакаева.
Автор фотосы.
Читайте нас: