«Гашыйк булдым сиңа»

Әйе, без барыбыз да нәр­сә­гәдер, кемгәдер гашыйк булабыз. Кемгәдер соклану, ерак­тан гына гашыйк булу да яшәргә, эшләргә көч бирә. Бу хис бер көнне зур ялкын булып ургылып килеп чыга да, берничек тә сүндереп булмаган мәхәббәт уты белән камап ала. Аның ярдәмендә матур гаи­ләләр барлыкка килә, балалар туа. Мәхәббәт – ул дөнь­­яда булган иң изге хис­ләр­нең берсе. Аннан башка дөнь­яда яшәүнең яме генә түгел, мәгънәсе дә булмас иде.

Мәхәббәт хакында нинди генә шигырьләр, җырлар, романнар, легендалар, риваять­ләр язылмаган! Исәбе-саны юк. Шул ук вакытта ул үлем­сез. Аның яше дә юк. Мәхәб­бәт хисеннән исереп, ай яктысында бер-береңә сыенып капка төбендә торулар кемнең генә башыннан үтмәгән икән?! Сөйгән егетен армиягә озатканда кыз чиккән кулъяулык бүләк иткән, аны көтеп алырга вәгъдә биргән. Күл­ләрдә йөзгән ялгыз аккош шикелле сөйгәнен көткән. Мәдә­ният йортларында оештырылган “Гашыйк булдым сиңа” дигән кичәдә дә сүз шул турыда барды.

Бу чара башта Сахай, ә икенче көнне Яңа Кыешкы авыл мәдәният йортларында үтте. Һәвәскәр артистларыбыз Алсу Мөхетдинова, Зәлия Рамазанова, Гөлназ Фәткуллина, Рания һәм Радмир Хисамовлар, Айрат Хәкимов, Газиз Кәримов, Эльмир Әһлиуллин, Зинфира Фәйзуллина, Рәфүзә Туймуллина башкарган җыр­лар залда утырган өлкән буын вәкилләрен яшьлек­ләренә алып кайтса, яшьләрне мә­хәббәт диңгезендә йөз­дерде. Башкортстан һәм Русия Журналистлар берлеге әгъ­засы Риф Йөзлекбаев, “Илһам” әдә­би түгәрәге әгъзасы Сә­лимә Хафизо­ва­ның мәхәб­бәт турындагы шигырьләре ки­чәгә ямь өстәде.

Таһир Вилданов.

Сахай авылы.