Иң кадерле, иң изге кеше - әни

Тантана сәбәпчеләре – безнең даими укучыларыбыз китапханәгә килү белән яшь язучы А.Баймөхәммәтов китапларыннан оештырылган күргәзмә белән таныштылар. Әйткәндәй, авторга үзенә дә ятимлек ачысын татырга туры килә, шуңа да “Калдырма, әнкәй!”, “Урам балалары”, “Әкиятсез балачак” кебек әсәрләрен күз яшьләреннән башка уку мөмкин түгел. Соңыннан җыелучылар “Урам балалары” китабы буеча видеоролик карадылар. “Әкиятсез балачак” повесте буенча театрлаштырылган тамаша да әниләрнең күңеленә хуш килде. Бу көнне әниләр хөрмәтенә байтак шигырьләр, җырлар яңгырады, биюләр башкарылды.

Фотокубик дигән осталык дәресендә дә һәр кем зур кызыксыну белән катнашты. Фоторәсемнәр файдаланып менә дигән бүләк ясап булуына әниләр һәм нәнәйләр хәйран калды.

Көн салкын булуга карамастан, безнең кичә җылы шартларда узды. Ул һәркемнең күңелендә бары тик изге хатирәләр калдыргандыр, дип ышанасы килә.

Айгөл Килмөхәммәтова, район үзәк китапханәсенең баш китапханәчесе.