Үзән
+11 °С
Болытлы
Барлык яңалыклар
Бәйрәм кайтавазы
11 гыйнвар 2019, 12:44

Яллар күңелле үтә

Менә сагынып көтеп алган кышкы каникуллар да үтеп бара. Купшы чыршыкай, Кыш бабай һәм Карсылу белән Яңа елны да каршы алдык. Әмма каникул вакытында балалар кул кушырып кына утыра, дигән сүз түгел. Аларның һәрберсе ял көннәрен файдалы, күңелле һәм истә калырлык итеп үткәрергә тырыша.

Берәүләр кышкы каникулда шәһәрдәге хозурлыкка сокланырга дип ашкынса, икенчеләр авылга нәнәй-картәтиләре янына кайтып кунак булуны, авыл һавасын сулауны тансык күрә. Бәйрәм чорында Кырмыскалы авылының Высоковольтный урамында да бала-чага тавышы тынмады. Урамга зур чыршы утырттылар һәм аны төрле гирляндалар белән бизәделәр. Ул кичләрен җем-җем итеп янып тирә-якка ямь биреп утыра. Шул урамда яшәүче Володя Курцебо балалар өчен үз куллары белән таучык ясап куйды. Көне буена балалар рәхәтләнеп саф һава сулады, тауда, чаңгыда һәм чанада шуды, кар бәрешеп уйнады, нәнәйләренә кунакка кайткан кыз һәм малайлар белән танышты. Бу уеннар һәрберсенә шатлык һәм бәхет өсти, кәефләрен күтәрә. Кыскасы, кышкы матур мизгелләр балаларда тик якты хатирәләр генә калдыра.
Венера Магиянова.
Читайте нас: