Игътибар һәм хөрмәт - иң зур бүләк

Ел саен 25 мартта мәдәният хезмәткәрләре үзләренең һөнәри бәйрәмен билгели. Бу көн алдыннан район Мәдәният сараенда тантаналы чара үткәрелде. Бирегә көндәлек хезмәтләре белән тормышыбызга яктылык биргән, кәефебезне күтәргән һәм бәйрәм бүләк итүчеләр – сәхнә осталары, музей һәм китапханә хезмәткәрләре җыелды.

Муниципаль район хакимияте башлыгы А.Ф.Сабиров, тантана сәбәпче­ләренә сәламләү һәм тәбрикләү сүзләре белән мөрәҗәгать итеп, мәдәният хезмәткәр­ләренең югары һөнәри осталыгын билгеләде. Шулай ук мәдәният өлкәсен үстерү, буыннар һәм халыклар арасында ышанычлы элемтә булдыру, районда һәм республикада яшәүче халык­ларның изге йолаларын һәм гореф-гадәтләрен саклауда булышлык итүләре өчен рәхмәтен җиткерде.

Муниципаль район хаки­миятенең мәдәният бүлеге начальнигы Г.М.Әми­нева да хезмәттәш­ләренә тәбрикләү сүзләре җиткерде.

- Районда мәдәни йолалар өлкән буыннан яшьләргә тапшырыла килә. Бу - сезнең тырыш хезмәтегез. Мәдәният учреждениесе хезмәткәрләре үз эшләрен намуслы башкара. Аларга режиссер, сценарист, алып баручы, костюмер, декоратор да булырга туры килә. Һәрберебезнең алдында заман таләпләренә туры килү, даими үсешү, халыкка онытылмаслык мизгелләр бүләк итү, халык йолаларын саклау һәм үстерү бурычы ята. Бүген һөнәри осталыгыгыз, эшегезгә тугрылы­гыгыз өчен рәхмәт белдерәсе килә, - диде Гөлнара Миңле­хәер кызы.

Арытабан истәлекле бү­ләкләр һәм диплом тапшыру өчен китапханә, музей, хез­мәткәрләре, хореографлар һәм хормейстерлар сәхнәгә чакырылды.

Хөсәен Әхмәтов исемен­дәге Башкорт дәүләт филармониясе артистла­рының чыгышы мәдәният хезмәткәр­ләре өчен зур бүләк булды.

Светлана Карпова.

Автор фотосы.