Яллар файдалы да, күңелле дә булсын дип...

Район Мәдәният сарае хезмәткәрләре дә каникуллар чорына җыр-биюләр, уеннар, төрле конкурслардан торган бай программа әзерләгән.

Мәсәлән, Кырмыскалы авылының үзәк мәйданында оештырылган “Кышкы уеннар” да бик күңелле килеп чыкты. Ул кеченә сабыйларның да, өлкәнрәк балаларның да, хәтта әти-әниләрнең дә күңеленә хуш килде. Әкият персонажлары катнашлыгында балалар өчен чын бәйрәм булды. Башта әйлән-бәйлән уйнадылар, аннары берсеннән-берсе кызыклырак конкурслар башланып китте. Балалар ике төркемгә бүленеп ярыштылар. Ә чараның ахырында күңелле дискотека оештырылды. Көн салкын булуга карамастан, беркем дә өшеп карамады: балаларның йөгерешеп уйнавыннан битләре алсуланды, ә чараны читтән күзәтүчеләр дә урыннарында күңелле музыка астында биеп тордылар.

Эльвира Хөснетдинова.

Автор фотолары.