Урман шаулап үсәр

Районның предприятие һәм оешма хез­мәткәрләре, студентлар һәм мәктәп укучылары көрәк һәм чиләк­ләр белән “коралланып”, район үзәк дәва­ханәсе артындагы билә­мәдә агач утыртуда катнаштылар. Алар ачык яшел төсле һәм хуш исле ылыслы агач үсенте­ләрен махсус сөрелгән буразналарга утыртып чыктылар.

- Архангель урман ху­­җалыгыннан 20 мең агач үсентесе китерелде. Авыл читендәге бу урын авыл хуҗалыгы өчен җайлашмаган, шуңа да бирегә агачлар утыртырга дигән карарга килдек, - ди Кырмыскалы авыл Советы авыл биләмәсе башлыгы Айрат Ходайдатов.

Район үзәгенең көнь­­­як-көнчыгыш өлешенә нарат агачлары тәүге ел гына утыртылмый. Кайбер урыннарда алар кеше буйлык үс­кән­нәр дә инде. Үсен­теләр бала кебек сизгер. Аны изге теләк белән, ихлас күңелдән утыртсак, һичшиксез, үсеп китәчәк. Димәк, берни­чә елдан биредә ялан түгел, ә нарат урманы шаулап утырачак.

Әлфия ӘХМӘДУЛЛИНА.