Гаризалар кабул ителә

арда теркәлгән урын буенча сайлауда катнаша алмаган граж­даннардан гаризалар кабул итү буенча пунктлар эшли башлаячак. Алар кайда урнашачак һәм ничек эшләячәк?

- Сайлау законнарындагы соңгы үзгәрешләр нигезендә фактта яшәгән урын буенча тавыш бирүнең яңа тәртибе кертелде. Хәзер үзенә уңайлы те­ләсә-кайсы сайлау участогында тавыш бирү өчен сайлаучыга закон белән анык билгеләнгән вакытта территориаль, участок ко­ми­ссияләренә гариза бирү җитә.

Республиканың территориаль сайлау комиссиясенең карарына ярашлы, республи­каның территориаль сайлау комиссия­ләре тарафыннан сайлаучылар исемлегенә кертү турында гаризалар кабул итү буенча 109 пункт эшли башлаячак. Моңардан тыш, гаризаны күпфункцияле үзәкнең 74 филиалы һәм бүлек­чәләре, дәүләт хезмәтләре порталы, 25 фев­ральдән участок комиссияләре аша да тапшырырга мөмкин.

Шуны да билгеләп үтәргә ки­рәк, гариза теләсә-кайсы авыл­­дагы территориаль комис­сиядә, күпфункцияле үзәкнең теләсә-кайсы филиалы яки бү­лекчәсендә кабул ителә. Гариза­ны теркәлгән урын буенча тапшыру мотлак түгел.

- Тавыш бирү турындагы гаризада сайлаучы 18 март – сайлау көнендә тавыш бирергә теләгән урынны күрсәтергә тиеш. Уфа шәһәрендә сайлауда катнашу өчен Кырмыскалыда гариза тапшырганда сайлау участогының номерын һәм аның кайда урнашуын ничек белергә мөмкин?

- Әйе, сайлау көнендә тавыш бирү турында гаризада тавыш биреләсе урын күрсә­телергә тиеш. Моның ике ысулы бар. Беренчедән, Русия сайлау комиссиясе үзәге сайтында “Русия картасында территориаль сайлау комиссияләре һәм участок сайлау комиссиясе” сылтанмасында Президент сайлауларында эш­ләячәк участок һәм территориаль сайлау комиссияләре урнашкан интерактив карта бар. Картаны ачканда ул сайлаучыдан мәгълүмат белән файдалану өчен рөхсәт сорый. Программа картада сайлау комиссия­ләренең кайда урнашуын күр­сәтә. Территориаль сайлау комиссиясе билгесенә басып, сайлаучы тавыш бирүчеләр исем­легенә кертү турында гариза тапшырырга һәм комиссия турында мәгълүмат белән танышырга мөмкин. Иле­безнең башка төбәкләрен­дәге территориаль һәм участок ко­мис­­сияләрнең адресларын бү­лек­­нең эзләү системасын файдаланып табып була. Моңардан тыш, Русиянең Үзәк сайлау ко­миссиясендә мәгълүмат-бе­леш­мә үзәге эшли. Шалтыратулар 8-800-707-2018 (+7 (495) 727-2018) күпканаллы телефоннар буенча кабул ителә. Элемтә операторына тавыш бирүче сайлау көнендә катнашкан бинаның адресын әйтергә тиеш. Бу адрес буенча сай­лаучының исемлеккә кертелүе турында әйтәчәкләр. Мәгъ­лүмат-белешмә үзәге телефоны буенча комиссяинең адресын һәм номерын белергә мөмкин.

Барлык мәгълүмат Башкортстан Республикасы Үзәк сайлау комиссиясенең http://bashkortostan.izbirkom.ru/ сайтында урнашкан.

- Сайлаучылар исемлегенә кертү турында гаризаны кайда тапшырырга була?

- 2018 елның 18 мартында Русия Федерациясе Президенты сайлауларында тавыш бирүдә катнашу турында гаризалар түбәндәге адрес буенча кабул ителә: Кырмыскалы авылы, Бакча урамы, 23, территориаль сайлау комиссиясе 31 гыйнвардан 12 мартка кадәр эш көннәрендә – 09.00 сә­гатьтән 20.00гә, ял көннәрендә - 10.00 сәгатьтән 14.00гә кадәр эшли;

- Кырмыскалы авылының күпфункцияле үзәгендә (Кырмыскалы авылы, Ходайбирдин урамы, 10) гаризалар күпфунк­цияле үзәкнең эш графигы буенча кабул ителә.

Ринат Шәйбәков әңгәмәләште.