Эшкуарлар – тәвәккәл кешеләр

- Вадим Әсхәт улы, район власте һәм эшкуарлар үзара ничек эш итә?
- Без районның эшкуарлар җәмгыяте вәкилләре, шу­лай ук булачак инвесторлар белән күп аралашабыз. Эш­ку­арларның хокукларын як­лау буенча уполномоченный ярдәмчесе Айдар Әр­дә­широв та килеп туган мәсь­әләләрне тиз арада хәл итәргә тырыша.
Район хакимияте башлы­гы Альфир Фәрхәт улы Сабиров катнаш­лы­гында әле­­­дән­­-әле “Эш­­­­­ку­ар­лар сә­га­те” үт­кә­ре­леп торуын күпләр беләдер. Ул безнең районга инвесторларны җәлеп итү, яңа эш башлаучы һәм га­мәл­дәге эшкуарларга ярдәм күр­сәтү буенча нәтиҗәле корал. Ләкин аны дөрес файдаланырга, бизнес-план төзергә, үз те­ләгеңне, көчеңне һәм мөм­кинлегеңне дөрес бәһа­ларга, сөйләшү генә түгел, ахыргы нәтиҗә мөһим икән­леген аңларга кирәк.
- Гадәттә, эшкуарлар нинди проектлар һәм идеяләр белән киләләр?
- Безнең район зур һәм күпкырлы, шуның өчен дә төзелеш, җитештерү, туризм, мәгариф һәм авыл хуҗалыгы кебек кызыклы идеяләр җитәрлек. Аграр тармак­ның мөм­­­­кин­­­­лек­­­ләре зур. Респуб­лика­ның авыл хуҗалыгы ми­­­­ни­­стр­­лыгы “Артемида” то­­­­кым­­чылык хуҗалыгы, “Уңыш” җәм­гыяте кебек эре җи­тештерүче предпри­ятие­ләр­не үстерүгә зур игътибар бирә, зур булмаган гаилә ху­җалыкларына да грантлар белән ярдәм күрсәтә.
- Коронавирус пандемиясе чорында эшкуарлар гади булмаган хәлдә торып калды. Бу коронакризисны урындагы эшкуарлар ничек кабул итте?
- Әлбәттә, безнең икътисад өчен шактый катлаулы хәл килеп тууы беркем өчен дә сер түгел. Федераль, төбәк һәм урындагы власть хәлне тотрыкландыру юлларын эз­лиләр. Башкортстанда өч юнә­­­­­леш буенча тормышка ашы­­рылган икътисадка яр­дәм күрсәтүнең икенче пакетын тәкъдим итәләр: урын­­­­­дагы авыл хуҗалыгы про­дукциясе җитештерүче субъ­ектларга ярдәм, икъти­садның реаль секторы эшен, шулай ук инфраструктура һәм Башкортстанның тормыш эшчәнлеген тәэмин итү. Эшкурлык өлкәсендә икътисадый эшчәнлек төрләренең исемлеге киңәйтелде: төбәк­тә 54000 кече һәм урта эшкуарлык субъектына ярдәм күрсәтелә.
Үз-үзеңне изоляцияләү режимы вакытында арен­да­торларның хәленә кереп, каникул оештырганнары өчен сәүдә үзәге хуҗаларына рәх­мәт белдерәсе килә. Шулай ук азык-төлек пакетлары әзерләүдә ярдәм итүчеләргә, район дәваханәсен модер­низацияләүдә катнашучылар мактауга лаек.
Пандемия чорында “Мой биз­нес” үзәге эшкуарлар өчен консультация ярдәме күр­сә­тә. Бу сервис белән шул исем­дә­ге сайт белән фай­­д­а­ланырга, шулай ук 8 (3472) 24-99-99 номерына шал­­­ты­ра­тырга мөмкин. https://vmesterb.ru/ сайтында барлык ярдәм чаралары турында мәгъ­лүмат табарга, онлайн режимнда проблемагыз ту­рын­да сөйләргә һәм ярдәм алу­га заявка калдырырга була.
- Радий Хәбиров Кырмыскалы районына килгәндә, ра­йон тотрыклы үсешә, яңа пред­приятиеләр барлыкка ки­­лә, искеләре тергезелә, ди­­гән иде. Димәк, бездә пред­при­­ятиеләрне үстерү мөм­­­кин­­лекләре бар?
- Әлбәттә, бар. БР сә­нә­гать министрлыгы безнең ра­йон предприятиеләре бе­лән актив эш алып бара. “Кар­лыман сөт-консерва ком­­­бинаты” җәмгыяте җи­тәкчесе Александр Кулим­бә­тов республикадагы Эш­­­ку­арлар сәгатендә катнашты.
“Карлыман сөт-консерва ком­бинатын модерни­зация­ләү” проекты БР Хөкүмәте ягын­нан хуплау тапты. Эшку­арлар сәгате нәтиҗәләре буенча, Башкортстан башлыгы Радий Хәбиров профильле министрлыкларга төр­ле юнә­лешләр буенча ярдәм күр­сә­тергә кушты. Ул пред­­­­при­ятиене модер­ни­за­ция­ләргә, ассортиментын ки­ңәйтергә, җитештерелгән про­дук­ция­нең күләмен арттырырга, яңа эш урыннары булдырырга булышлык итә­чәк. Шунысы куанычлы, без­нең районда барлыкка кил­­­­гән “Кировец” заводы тиз­­­дән тулы куәткә эшли башлаячак. Тулыкыйм­мәтле эшли башлау һәм яңа корылмалар сатып алу максатында предприятие җитәк­че­се Ра­дик Хафизов Эш­ку­арлар сә­гатендә төбәк башлыгына ярдәм сорап мөрәҗәгать итте. Ка­рар кабул ителде. Республика сәнәгатен үстерү фон­дының ярдәме урынлы бу­­ла­­чак.
Әлеге вакытта “Кировец” янында тимербетон заводы эшчәнлеген башлап җибәрде, чит ил экскаваторлары­на ал­маш частьлар җи­теш­терү буенча механика за­во­­дын төзү буенча эшләр башланып тора.
Бездә дезинфекция чаралары җитештерүче “ДЭЛЕК­СА” җәмгыяте пред­приятиесе үсешә. Республика сәнәгатен үстерү фонды республика прог­раммасына ярашлы җи­тештерелгән продукция­нең күләмен арттыру максатында яңа корылма сатып алу өчен акча бүлде.
Безнең районда шулай ук республика өчен уникаль булган асфальт җитештерүче “УфаДорМаш” җәмгыяте эш­ли.
Бездә тырыш эшкуарлар бик күп. Уңышлы эшләп кил­гән район кулланучылар җәм­гы­яте, Кабак кирпеч заводы, Кыр­мыскалы төзелеш мате­ри­аллары заводы, Кармет, тө­зелеш, юл, хезмәт­лән­де­рүче предприятиеләрнең эше мактауга лаек.
- Вадим Әсхәт улы, бәй­рәм­гә нинди теләкләрегез бар?
- Үз эшләрен лаеклы һәм уңышлы алып баруларын, күп килем алуларын, ышанычлы партнёрлар табуларын, кызыклы идеяләр, гаиләләре һәм районыбыз өчен яхшы проектларны тормышка ашы­руларын телим.
Ринат Шәйбәков әңгәмәләште.