Йөкле хатыннар өчен пособие турында аңлатмалар

Бу уңайдан халыкның сораулары күп булды. РФ Пенсия фондының Кырмыскалы районындагы клиентлар белән эшләү хезмәте (бүлек хокукында) җитәкчесе Зөлфия Котлыева бу сорауларга җавап бирә.
- Зөлфия Хәмит кызы, бу посо­биенең күләме нинди, аңа кем хокуклы һәм аны ничек рәсмиләштерергә?
- Айлык пособие күләме хезмәткә сәләтле халык өчен яшәү минимумы күләменең 50 процентын тәшкил итә. Безнең республикада 2021 елга әлеге күләм 10 641 сум, димәк, пособие күләме 5 320,50 сум булачак. Аны гаиләдә һәр кешегә керем яшәү минимумыннан артмаган, йөкле­лек­нең беренче 12 атнасында исәпкә баскан хатын-кызлар алырга мөмкин. Аны исәпләгәндә барлык керемнәр, шул исәптән алиментлар, эшсезлек буенча пособиеләр һ.б. исәпкә алыначак. Пособиене Дәүләт хезмәтләре сай­тында яки шәхсән РФ Пенсия фон­дында клиент хезмәтендә рәсми­ләштерергә мөмкин.
- Йөклелекнең кайсы вакытыннан пособие билгеләү турында гариза бирергә мөмкин?
- Аны йөклелек вакыты күпме булуга карамастан тапшырырга мөмкин. Әмма аны түләү медицина оешмасына исәпкә баскан йөклелекнең тәүге 12 атнасында гына башлана.
- Пособиене ничек алырга?
- Күпчелек очракта пособие бил­геләү өчен дәүләт хезмәтләре порталында яки яшәү урыны буенча Русия Пенсия фондының клиентлар белән эшләү хезмәтендә шәхси кабинет аша гариза бирергә кирәк.
Шәхси мөрәҗәгать иткәндә алдан язылырга (https://es.pfrf.ru/znp/) һәм шәхесне раслаучы документны күр­сәтергә кирәк булачак. Йөклелек буенча исәпкә кую турындагы до­ку­ментларны бирергә кирәкми, чөн­ки Пенсия фонды аны ведомст­во­ара хезмәттәшлек программасы чик­лә­рендә үзләре соратып ала.
- Әгәр гаризаны тутырганда хата җибәрелсә, нишләргә?
- Пенсия фонды бүлеге белгечләре, баш тартмыйча, аны эшләп бетерү өчен кире кайтарачак, моның өчен 5 эш көне бирелә. Әгәр дә эшләнеп беткән гариза 5 эш көне эчендә Фондка килсә, аны карау тәкъдим ителгән көннән тергезеләчәк. Әгәр юк икән - пособие билгеләүдән баш тартачак, һәм гаризаны яңадан бирергә туры киләчәк.
- Гариза биргәннән соң, түләүне күпме көтәргә?
- Гариза 10 эш көне эчендә тик­ше­релә. Аерым очракта, иң күп 30 эш кө­не вакыт үтәчәк. Акчаны исәпләү по­собие түләнә торган айдан соң ки­лүче айның 1-25 көненнән гамәлгә ашы­рыла.
- Түләү нинди вакытка билгеләнә?
- Йөклелекнең 12нче атнасыннан баш­лап һәм бала тапкан яки йөкле­лек­не өзгән айга кадәр.
- РФ гражданлыгы булмаганнар пособие алырга мөмкинме?
- Әйе, әгәр ата-ананың даими яшәү урыны яисә Русия тер­риториясендә вакытлыча теркәү ур­ыны булса, пособиене ата-анадан яки баладан РФ гражданлыгыннан башка да алырга мөмкин. Чит ил гражданнары яшәү яисә вакытлыча теркәлү урыны буенча Пенсия фонды идарәлегенең клиентлар белән эшләү хезмәтенә шәхсән мөрәҗәгать итәргә тиеш.
- 31 июльдә медицина оешмасында исәпкә бастым, миңа июль өчен пособие түләячәкләрме?
- Әйе. Айлык пособие тулы ай өчен түләнә.
- Бала табу айның беренче көн­нәрендә планлаштырыла, мин бу ай өчен пособие алырмынмы?
- Әйе. Айлык пособие тулы ай саен түләнә, бала табу яки йөклелекне өзүне дә кертеп.
- Мин хәзер эшләмим, миңа пособие тиешме?
- Әйе. Йөклелекнең 12 атнасына кадәр исәпкә бассагыз, сез пособие билгеләүне сорап мөрәҗәгать итә аласыз.
- Әгәр декрет түләүләрен алмасам, миңа пособие түләячәкләрме?
- Әйе. Айлык түләү декрет түләү-ләренә бәйсез рәвештә билгеләнә.
- Мин медицина оешмасында 2021 елның 1 июленә кадәр исәпкә бастым һәм йөклелек буенча бер тапкыр түләнә торган пособиене алдым. Мин айлык яңа пособие ала аламмы?
- Әйе, сезнең йөклелек вакыты кимендә 12 атна булса, сезгә 2021 ел­ның 1 июленнән айлык пособие билгеләнәчәк.
- Минем шәхси эшкуар статусым булса, пособиене билгели алырлармы?
- Әйе. Шәхси эшкуар статусы, әгәр аның билгеләнүенең барлык шартлары үтәлгән булса, айлык пособие билгеләүдән баш тарту өчен нигез булып тормый.
- Банкка бурычым булса, пособие­дән акча тоталармы?
- Юк.
- Әгәр пособие юллау буенча сораулар калган икән, Русия Пенсия фондының теләсә-кайсы клиент хез­мәтенә мөрәҗәгать итә аласыз яки https://pfr.gov.ru/branches/bashkortostan/info/~0/7032 сайтында күрсәтел­гән телефон саннары буенча шал­­тырата аласыз.
Светлана Карпова әңгәмәләште.