"10 мең сум акча күчерсәң, синеке булырмын"

Дальнобойщик ир-егет Туймазы яныннан узып барганда фәхишәләр хезмәтеннән файдаланырга була. Моның өчен ул кызны социаль челтәрдә махсус төркемдә тапкан. Аралашу башланган, ир-егет яңа танышына 10 мең сум күчергән. Тик менә "мәхәббәт төне" генә килеп чыкмаган, акча алганнан соң, кыз элемтәгә чыгудан туктаган.

Ир полициягә мошенниклык турында гариза белән мөрәҗәгать иткән. Әлегә кызны эзләү бара.

Ир-егетләрнең мондый хәлдә калуы сирәк түгел. Полиция хезмәткәрләрена моңа охшаш хәлләрне бик еш ачыкларга туры килә. Шул ук вакытта, алар белми калганнары да әллә күпме. Ир-егетләр исемнәренә тап төшермәс өчен шул рәвешле алданганнарын еш кына сер итеп саклый икән.

Фото: bash.news