Үз эшен яратып башкара

Ул М.Г.Рәҗәпов, Э.А.Сатта­ро­ва, Р.Ә.Сәйфуллина, Р.Р.Хәби­буллина, Ф.Г.Мө­­хәммәтгалина, З.Ч.Узакова, С.Б.Яфа­ева, А.Б.Громова кебек оста һәм тәҗрибәле хез­мәткәрләрдән торган ныклы коллективка килеп эләгә. Алардан бу һөнәрнең неч­кәлекләренә өйрәнә, тәҗ­рибә туплый.

- Эшли башлаган чорда һө­нәрнең асылына төшенергә ярдәм иткән, ки­ңәшләрен биргән нәсыйхәт­челәремә чиксез рәхмәтлемен. Өл­кән­рәк хез­мәт­тәшләремнән эшкә генә түгел, сабырлыкка да өй­рәндем. Баштарак эштән соңга калып кайткан, текстларны өйгә алып кайтып, төннәр буе тәрҗемә итеп утырган чаклар да булгалады. Ә бүген үземнең тормышымны редакциядән башка күз алдына да китерә алмыйм, - ди Венера Гафарова.

Әлбәттә, бүгенге “оптимизация” чорында ул төп эше белән генә чикләнми, җыючы-оператор, корректор бурычларын башкара, гәзитебезне эчтәлекле мә­каләләре белән тулыландыра, матбугат кампаниясен оештыруда да зур өлеш кертә. Эшенә җаваплы каравы, бурыч­ларын намуслы башкаруы, ярдәмчеллеге белән хезмәттәшләренең хөрмәтен яуласа, йортында ул гади хатын - сөекле тормыш иптәше, хәстәрлекле әни һәм нәнәй булып кала. Мәсхут Мәхмүт улы бе­лән Гөлназ һәм Гөлшат исемле бер­сеннән-берсе сылу ике кыз үстереп, аларга югары белем һәм лаеклы тәрбия бирделәр. Ә бүген инде онык-оныкалары үзләренең уңыш­лары белән сөендереп тора.

- Язмышым район гә­зитенә алып килүенә рәхмәт­лемен. Биредә тәҗрибәле һәм бердәм коллектив тупланган. Өметле яшьләребез дә байтак, алар гәзитебезгә яңалык кертеп тора. Эшебез авыр һәм җаваплы булуга карамастан, биредә очраклы кешеләр юк, дип ышанычлы әйтә алам. Район басмасын яратып укыйлар икән, бу барлык кол­лективның тырыш хезмәт нә­тиҗәсе, - ди хезмәттәшем.

Эльвира Ямалетдинова.