Мактауга лаек хезмәт

Самат Әминев Карлыман авылында туып-үскән. Мәктәпне тәмамлау белән Ляхово һөнәрчелек училищесында белем алып чыга. 1983 елда ил алдындагы изге бурычын үтәргә китә һәм Германиядә водитель булып хезмәт итә. Армиядән соң Салават исемендәге колхозда эшләп ала. Ә 2009 елда район дәваханәсенә эшкә килү белән, аны яңа “Нива” машинасына утырталар. Шул вакыттан алып ул балалар консультациясендәге медицина хезмәткәрләрен чакыру буенча авырулар янына йөретә.