Тагын өч көн ял көтә

Русия Хезмәт кодексы нормалары нигезендә, халыкара хатын-кызлар көне эшләми торган көн булачак. Ул быел дүшәмбегә туры килә. Моның белән бәйле рәвештә илебез халкы 6-8 мартта ял итәчәк.
Димәк, эшкә сишәмбе, 9 мартта гына чыгачакбыз.

Җомга, 5 мартта, бәйрәм алдыннан эш көне кыскартылмый. Әмма җитәкче үз эшчеләрен бер сәгатькә иртәрәк җибәрә ала. Шулай булгач, җитәкчеләр хатын-кыз эшчеләренә шундый бүләк тә ясый ала әле.

Бәйрәмнәрдән соң килгән эш атнасы кыска, дүрт көнлек кенә булачак.

Моннан тыш, мартта башкача озайлы яллар булмаячак.

Эльвира Ямалетдинова.

Фото: saratov24.ru