Җир йөзенең гүзәллеге – хатын-кызларда

Осталык дәресләре, күргәзмәләр

Район Мәдәният сараеның икенче катында төрле осталык дәресләре һәм күргәзмәләр оештырылды. 

Кырмыскалы авылының Балалар сәнгать мәктәбе укытучылары башкарган күңелле көйләр бәйрәм кәефе тудырды. Монда ук балалар сәнгать мәктәбе тәрбияләнүчеләренең сәнгать эшләре куелган.

Район балалар китапханәсе хезмәткәрләре “Теләкләр чәчкәсе” осталык дәресен һәм “Изгелек үсентесе” акциясен үткәрделәр. Чарада катнашучылар көршәкләргә чәчәк орлыклары утырттылар. Аларга туфракны ничек сайлау һәм үсемлекне ничек тәрбияләү турында сөйләделәр.

- Шунысын да билгеләп үтәргә кирәк, “Изгелек үсентесе” акциясе символик характерга ия. Республикада игълан ителгән изге эшләр елы чикләрендә, без кешеләрнең әхлакый сыйфатларына, ягъни тирә-яктагыларга шатлык бүләк итү, катнашучыларны игелекле эшләр башкарырга этәрүгә игътибар итәбез, - дип билгеләп үтте район балалар китапханәсенең баш китапханәчесе Людмила Дмитриева.

Кырмыскалы Пионерлар йорты педагоглары кунакларны сәйләннән алкалар ясау буенча осталык дәресенә чакырдылар. Район үзәгенең Пионерлар һәм укучылар йорты һәм Прибельский авылының иҗат йорты урнашкан өстәлләр янында шактый хатын-кызлар җыелды. Һәркем үзе өчен пластилин, фоамиран һәм фетрдан брошь ясарга өйрәнде.

Кабак авылыннан Гөлнур Нафикова һәм Әлфия Абдрахманова макияж буенча осталык дәресе күрсәттеләр һәм бит тиресен ничек дөрес тәрбияләргә кирәклеге турында кызыклы итеп сөйләделәр. 

- Без мондый чарага тәү тапкыр гына килмибез. Күп кенә хатын-кызлар ничек дөрес итеп крем  сайларга кирәклеге турында киңәш сорыйлар. Шуның өчен бүген без гүзәл затларга аның серләре турында сөйлибез һәм бәйрәмгә макияж ясыйбыз, - диде Гөлнур Нафикова.

Бәйрәм күргәзмәсендә катнашучыларның берсе - Прибельский авылыннан парикмахер Раушания Моталлапова үз эшенең остасы. Бу көнне ул хатын-кызларга матур прическалар ясады.  

- Мин район чараларында даими катнашам, теләгән кешеләрнең чәчләрен бөдрәләтәм, прическа ясыйм. һәркемгә чәчләремне салам. Парикмахер булганчы, мин 20 ел бухгалтер булып эшләдем. Ләкин мин һәрвакыт матурлыкка тартылдым. Беркөнне мин башка һөнәр сайларга булдым. Хәзер мин чәч кисәм, буйыйм, бөдрәләтәм һәм причсеска ясыйм, - дип уртаклашты Раушания Моталлапова.

Моңардан тыш, бу көнне күргәзмәдә төрле косметика, дәвалаучы витаминнар, биологик актив өстәмәләр һәм кулдан ясалган бизәнгечләр дә тәкъдим ителде. 

Тантаналы өлеш

Концерт залы язгы кәеф, елмаюлар һәм тамашачыларның шатлыгы белән тулды. Барлык катнашучыларны район хакимияте башлыгы Альфир Сабиров сәламләде.

- Хатын-кыз образы һәрвакыт наз, ана мәхәббәте һәм гаилә иминлеген гәүдәләндерде һәм шулай булып кала. Сезнең мәхәббәтегез, сабырлыгыгыз һәм гаять зур эчке энергиягез безгә, ирләргә, уңышлар яуларга булышлык итә. Сез эшегездә дә алыштыргысыз. Мәгариф, сәламәтлек саклау һәм мәдәният кебек тармаклар сезгә таяна. Сез үзегезне бизнес, иҗтимагый һәм сәяси эшчәнлектә дә уңышлы күрсәтә беләсез. Коммуналь хуҗалык, төзелеш тармагы һәм муниципаль идарә эшчәннәре район үсешенә лаеклы өлеш кертә. Район үзәгендә генә дә төрле дәрәҗәдәге җитәкче вазыйфасын 50дән артык хатын-кыз башкара. Һәрбер эштә сез профессиональ. Мин сезнең барыгызга да бәхет телим, бу көннең һәр минутыннан ләззәт алып яшәгез, - диде Альфир Фәрхәт улы.

Лаеклы бүләкләр  

Бу көнне бәйрәм сәхнәсендә Альфир Сабиров Николаевка авылыннан Марина Гәрәевага “Ана даны” медален тапшырды. Марина Анатольевна тормыш иптәше Азат Рәүф улы белән алты бала тәрбияли.

Уллары махсус хәрби операциядә катнашкан аналарга - Прибельский авылыннан Зинаида Бухмастова, Ефремкино авылыннан Зинаида Трофимова, Иске Бәбеч авылыннан Светлана Халитова һәм Шәйморат авылыннан Фәнүзә Хисмәтуллинага район хакимиятенең Рәхмәт хатларын тапшырды.

Бу көнне махсус хәрби операциядә катнашучыларга гуманитар ярдәм оештыруда шактый өлеш керткән битараф булмаган хатын-кызлар – Урал авылыннан Фәһимә Әлимгафарова, Сәвәләй авылыннан Язилә Газизова, Яңа Кыешкы авылыннан Гамирә Гайсина, Сахай авылыннан Гөлсинә Гафарова, Иске Муса авылыннан Альмира Гозәирова, Суык-Чишмә авылыннан Ксения Васильева, Рима Егорова, Валентина Петрова, Дарья Степанова, Алайгыр авылыннан Гөлнур Ишемголова, Иске Бәбеч авылыннан Нәфисә Корбангалина, Миләүшә Хәбирова, Флүзә Шахморатова, Иске Акташ авылыннан Миләүшә Хәбирова, Кабак авылыннан Әлфия Насыйрова, Гөлсинә Исламгалиева, Таусеңер авылыннан Зөһрә Фәйрузова, Шәйморат авылыннан Ирина Эльчиева, Татьяна Бәкирова район хакимиятенең Рәхмәт хатларына лаек булдылар.

Шулай ук Башкортстан Республикасында бала хокукы буенча вәкилнең балаларга тугрылыгы, күңел юмартлыгы һәм үсеп килүче буында изге йолаларны саклаганы һәм әхлакый кыйммәтләрне ныгыту эшенә зур өлеш керткәне өчен “Хатын-кыз – милләт анасы” Бөтенрусмя конкурсында катнашучы Рәзилә Хәмитовага рәхмәт хаты, шулай ук истәлекле бүләк тапшырылды.

Тәрбиягә алынган һәм сәламәтлекләре чикле булган балаларга булган эчкерсез сөюе һәм алар турында хәстәрлек күргәне өчен Константиновка авылыннан Маргарита Кәримовага район хакимиятенең Рәхмәт хаты бирелде.

Кырмыскалы авылының 1нче санлы урта мәктәбендә 18 ел буе гардеробта эшләгән Илүзә Булатова, Русия авыл хуҗалыгы үзәге БР буенча филиалы районара бүлегенең баш агрономы, күпбалалы әни Айсылу Камалетдинова, Кырмыскалы район үзәк дәваханәсенең Бозаяз табиблык амбулаториясе табиб-терапевты Ләлә Мәүлитова югары һөнәри осталыгы һәм күпьеллык намуслы хезмәте өчен район Советының Мактау грамоталарына лаек булдылар.

“Атайсал” муниципаль форумын оештыруга һәм үткәрүгә керткән өлеше өчен район Советы аппараты белгече Гөлнара Зарипова, Шәйморат мәктәбе укытучысы Валентина Моратшина БР Башлыгы Хакимиятенең эчке сәясәт буенча беренче урынбасары Килсенбаев кул куйган Рәхмәт хаты белән бүләкләнделәр.

Бу көнне сәхнәдән яңгыраган котлау сүзләре хатын-кызларга карата зур хөрмәт һәм рәхмәт белән сугарылды. Бәйрәм кунаклары өчен зур концерт күрсәтелде. Ә чара ахырында һәр хатын-кызга лалә чәчкәләре бүләк иттеләр.

Миләүшә Шамилева.