Гүзәллеккә гашыйк Галия

– Салон ачу турында мин күптән хыяллана идем. Узган елда, ниһаять, телә­гем тормышка ашты, – ди Галия Ибра­һимова.
Галия Әсләх кызы Мишкә районында туып-үскән. 1996 елда Кырмыскалы авылы егетенә кияүгә чыгып, гаилә район үзәгенә күченеп килә.
Башта һөнәрчелек училищесы, аннан соң институтта менеджер һөнәрен үз­ләш­терә. Тәүдә Техник инвентари­за­ция­ләү бюросында, соңыннан Стра­хов­калау компаниясендә эшли. Нинди генә вазыйфа башкармасын, мөлаемлылыгы, тырышлыгы белән аерылып тора. Шулай да, һәрвакыт күңеле тарткан, үзенә ошаган һөнәр белән шөгыльләнергә тели.
– Офиста тотрыклы эштән китәргә уйлап, тормышымда кискен борылыш ясадым. Санкт-Петербург матурлык мәктәбенең Уфа шәһәрендәге филиалында маникюр һәм педикюр мастерына укып чыктым. Биредә укырга ярдәм күрсәткәннәре өчен халыкны эш белән тәэмин итү үзәгенә рәхмәт әйтәсем килә. Бизнес-план төзедем һәм эшемне үстерүгә ярдәм алдым, - ди Галия.
Бүгенге көндә Галия Әсләх кызы тырнакларны матурлау, үстерү, буяу, педикюр ясау, шулай ук кашларны йолку һәм буяу белән шөгыльләнә. Тәрбияле куллар һәм кашлар һәр хатын-кызны бизи, дип исәпли. Моңардан тыш, Галия Ибраһимова Уфа шәһәрендә җитеш­терелгән уникаль “INКI” косметикасы белән эшләү өчен дә махсус укыган. “INКI” косметикасы тән тиресен, тырнакларны һәм чәчләрне яшәртү, ныгыту һәм сәламәтләндерү үзенчәлегенә ия.
Галия Ибрагимова – ачык йөзле һәм мөлаем хатын. Бу сыйфатлар матурлык өлкәсендә эшләүче кеше өчен аеруча мөһим. Әлеге вакытта ул Санкт-Петербург мәктәбенең Уфа шәһәрендәге матурлык салонында парикмахерлыкка укый.
- Миңа аралашу, кешеләр белән эшләү аеруча ошый. Иң мөһиме, һәр хатын-кызга үзен яратып, матурлыгына ышанып яшәү кирәк. Ә матур яшәү өчен тирә-юнең, кигән киемең, күңелең дә гүзәл булырга тиеш. Ә миннән хатын-кызларның зур горурлык хисе белән китүләрен күрүе үзе бер куаныч, - ди Галия.
Әңгәмәдәшчебез - бәхетле хатын һәм әни дә. Өлкән улы Альмир Башкорт дәүләт педагогия университетында укый, кече улы Рәсүл 4нче сыйныф укучысы. Тормыш иптәше Флюр мастер-бригадир булып эшли.
– Минем гаиләм – ышанычлы терәгем, таянычым. Йортымда тәртип булдырырга яратам. Бик күп гөл-чәчкәләр үстерәм. Гаиләмне тәмле ашлар пешереп сөендерәм. Җырларга һәм биергә яратам, - дип бәхет сере белән уртаклашты Галия.
Мастерга язылырга теләсәгез, 8-919-611-05-88 телефоны буенча шалтыратып, шулай ук nogti-kogti.ru сайты аша кереп, үзеңә кирәк процедураны, килү өчен уңайлы вакытны сайларга гына кирәк. Салон түбәндәге адрес буенча урнашкан: Кырмыскалы авылы, Киров урамы, 34, Көнкүреш йорты, икенче кат, “У Индиры” парикмахерские.
(Реклама хокукында).