Аларның оста куллары тимерне дә эретә

Предприятие үз эшен 2000 ел башында башлап җибәрә. Шәхси эшкуар Фәнис Насыйров тәүдә мунча мич­ләре ясарга, эретеп ябыштыру эшләре белән шөгыльләнергә карар итә. Ва­кыт үтү белән предприятие юнәлешен киңәйтеп җибәрә. 2008 елда чүкеп ясалган әйберләр җитештерү буенча ти­мер­лек цехы ачыла. Яңа эшне үз­­ләш­терергә туры килә. Вакыт үтү белән биредә матур-матур капкалар, коймалар, ишекләр, эскәмияләр, беседкалар, урналар ясый башлыйлар. Тиздән аңа Фәниснең улы Дамир да кушыла һәм алар икәүләп эшли башлыйлар.
- Башкорт дәүләт универси­те­ты­ның физика-математика факультетын тәмамлаганнан соң, бераз вакыт кү­чемсез милек өлкәсендә эшләп алдым. Ләкин тора бара миңа эшкуарлык, асылда, әтиемнең шөгыле ныграк ошый башлады, - ди бүген Дамир Фә­нис улы. – Минем әтием бик җаваплы, максатына омтылучан кеше. Нәрсәгә тотынса да, ахырына җиткермичә туктамый. Һәм аның барсы да уңышлы килеп чыга.
2010 елда Насыйровлар “Ф.Җ.Насыйров” шәх­си предприятиесен “Кармет” җәмгыяте итеп үзгәр­тергә карар итәләр. Арытабан биредә тимер белән эшләү буенча башка юнә­леш­ләрне дә үз­ләште­рә­ләр. Ферма, урамдагы күрсәткечләр, стел­ла кебек тимер конструкцияләр җитештерә башлыйлар.
Калай табакларны бөгә торган корылма сатып алганнан соң, төрле сыемнар, савытлар, шулай ук авылларда һәм авыл хуҗалыгы тар­макларында киң кулланылган төрле зурлыктагы су башнялары җыю мөмкинлеге барлыкка килә.
Үзгәртелеп корылганнан соң, ул Кырмыскалы районында тимер прокат белән тәэмин итүче иң эре пред­приятиеләрдән исәпләнә. Продукция зур популярлык яулый башлый. Җәм­гыятьнең изде­лиеләре районда гына түгел, республиканың баш­ка төбәк­ләрендәге күп кенә йортларны һәм җә­­мәгать урыннарын бизәп тора. Район үзә­ген­дәге сквер һәм парклардагы коймалар, эскәмиләр, чәчкә савыт­лары, урналар барсы да аларның ты­рыш хезмәт нәтиҗәсе.
Әлбәттә, предприятие киңәйтел­гәч, өстәмә эшче куллар да кирәк була. Бүгенге көндә биредә барлыгы 15 кеше – тимерчеләр, эретеп ябыштыручылар, токарьлар эшли. Аларның барсы да үз бурычларына намуслы карый һәм үз эшләренең осталары.
- Безнең төп бурыч – районыбыз һәм туган тө­бәгебезне төзекләндерү һәм матурлау. Килә­чәктә пред­приятиенең җитештерү куәтен арт­ты­рырга, сәүдә базарын киңәйтергә, шулай ук башкарган эш темпын сакларга ниятлибез, - ди Дамир Фәнис улы, зур горурлык хисе белән.
Милена ФӘЙЗУЛЛИНА.
Реклама хокукында.