“Бәхет”кә килеп, бәхетле булыгыз

Бу пекарня 2019 елда гына ачылуына карамастан, тиз арада кырмыскалыларның сөюен яуларга өлгерде дә инде – ризык­ларның тәмле булуы, сыйфаты үзенекен итә шул. Шуңа да күбрәк халыкны хезмәтләндерү өчен аларның челтәре киңәйде – район үзәгенең “Көнкүреш йорты”нда, базар урамында, Олыкүл авылында да нокталары бар. Монда телеңне йотарлык икмәк, йә булмаса камырдан пешерелгән башка ризыклар алырга, чәй яки кофе эчеп чыгарга, яки кайнар аш белән сыйланырга мөмкин.
Пекарня хуҗалары Ирек Раил улы һәм Айгөл Булат кызы Кускилдиннар тәүдә автомо­бильләр төзәтү өлкәсендә эш ачып җибәрәләр. Бераздан эшкуарлыкта җитәрлек тәҗрибә туплаган гаиләнең үз көчләрен башка юнәлештә дә сынап ка­рау теләге туа.
Кускилдиннарның нәкъ пекарня ачарга карар итүләре юк­ка түгел. Баксаң, Ирек Раил улы кулинар училищесын тәмам­ла­ган, армия хезмәтендә дә бераз ашнакчы булган икән. Шуңа нәрсә белән шөгыль­ләнергә ди­гән сорауга озак җавап эзләргә туры килми. Хатыны Айгөл Бу­лат кызы белән пекарня ачарга булалар. Эшне яратып, күңел са­лып башкару аның нәти­җә­-сендә чагылыш тапмый калмый. Чынлап та, Кускилдиннарның дәртләнеп эшләүләрен пекарнядагы ассортиментка күз сал­саң да аңлап була. Монда ик­мәкнең - 20, ә камыр аш­ла­рының 57 төре тәкъ­дим ителә. Мәсәлән, көнбагыш кушып пешерелгән “Виталити” икмә­ген сәламәт тукланучылар алса, шулай ук бодай, кукуруз оныннан әзерләнгәнен файдалы булуы өчен яраталар.
- Икмәкнең чүпрәдән дә, комалактан пешерелгәннәре дә бар. Гомумән, чималны сайлауга зур игътибар бирелә, чөнки аңа әзер ризыкның сыйфаты һәм тәме бәйле. Шуңа сыналган урыннардан гына сатып алырга тырышабыз. Сыйфат – безнең өчен иң мөһиме. Ничек туклануыбыз сәламәтлегебезгә йогынты ясый, шуңа үзебезнең сатып алучыларыбызның ышанычын аклауга җаваплы карарга тырышабыз. Сатып алучылар үзләре дә бик таләпчән.
Мәсәлән, без тулысынча маргариннан баш тарттык, камырга бары тик сыйфатлы май гына кушабыз. Бәлешләр һәм башка камыр ашларының тәм­лелеге серләренең берсе шунда, - ди Айгөл Булат кызы.
- Бәлешләрне бигрәк тә Коръ­ән ашларына һәм башка мәҗлесләргә яратып алалар, ал­дан заказ биреп куялар. Аларны төрле эчлек белән сайларга мөм­кин. Шулай ук вак тортлар, чәч-чәк, бәлеш, гөбәдия, би­ләш, шаурма, пиццалар зур со­рау белән файдаланыла. Аларны 8-927-923-16-54 телефон номеры буенча да шалтыратып, алдан заказ бирергә мөмкин.
Уңган кеше бар яклап та өлгер була. Кускилдиннарның Прибельский авылында ярымфабрикатлар җитештерү цехла­ры да бар. Монда сыер, дуң­гыз, тавык, ат итләреннән пилмән, гөмбәле бәрәңге һәм җиләкле эрем­чек белән варениклар, манты, фаршланган борыч, ки­сел­гән токмач та җитештерәләр. Аларны район үзәгендәге һәм Олыкүл авылындагы нокталарда сатып алырга мөмкин. Озакламый Прибельский авылы халкын да тәмле продукция белән тәэмин итү мөмкин булачак - март аенда монда да сәүдә нокталарын ачарга планлаштырыла.
Шунысы куанычлы, “Бәхет” пекарнясында ассортимент шул кадәр киң – акча янчыгыңның калынлыгына карап, төрле продукцияне сайларга мөмкин. Ба­зар урамында урнашкан буфетта кайнар аш та оештырыл­ган. Бигрәк тә Авыргазы күп­про­фильле колледжының Кырмыскалы авылындагы филиалы сту­­дентлары өчен уңайлы – якын да, хаклар да “теш­ләш­ми”. Җитмәсә, студент билетын күр­сәткәндә, барлык төр про­дук­циягә 10 процент ташлама ка­ралган.
- Коллективыбызда эшләү­челәр белән горурлана алабыз, һәрберсе үз эшенә зур җа­вап­лылык белән карый, - ди Айгөл Бу­лат кызы.
Аларның осталыкларын арттыру өчен даими укытулар оештырыла. Бу эшнең уңышлы баруының мөһим шарт­­ларының берсе дип саныйлар, моның өчен башкаладан тех­нологлар чакыралар. Мә­сә­лән, күптән түгел икмәк пе­шерү буенча осталык дәресе үткә­рел­гән. Халыкны сыйфатлы да, тәм­ле лә ризыклар белән тә­э­мин итүне максат итеп куеп, шуңа ирешү өчен барлык ты­рыш­лыкларын, күңел җылысын салып эшли Кускилдиннар. Хез­мәттән ямь табып, аның нә­ти­җәсен күрү, халыкның рәх­­мәтен ишетү тагы да югарырак үрләргә кү­тәре­лергә, яңа идея­ләргә дәрт, тормышка ашырырга көч бирсен.
Эльнара ШӘЙМӘРДӘНОВА.
(Реклама хокукында).