Уйныйбыз да, җырлыйбыз да, гармуныбыз кулларда

Элек-электән яшь кызлар бер өйгә җыелышып, йон эрләгәннәр, чиккәннәр, бәйләгәннәр. Шуннан соң күңел ачулар: шаян уеннар, гармунга кушылып җырлаулар, биюләр башланган. Шул заманнарны искә төшереп, Камышлы авылы халкы клубта үткәрелгән “Аулак өй”гә җыелды. Биредә оештырылган күргәзмәгә берәүләр кул эшләрен алып килсә, икенчеләр аларга сокланып карап йөреде. Бирегә куелган борынгы йорт җиһазлары, көнкүреш әйберләре, савыт-сабалар, төрле бизәнгечләр ата-бабаларыбызның көнкүрешен ачык чагылдыра иде.

Бу чара бик күңелле үтте, дип ышанычлы әйтергә була. Анда катнашучылар үзләренең яшьлекләрен, тормышларында кич утырулар белән бәйле күңелле мәлләрне искә төшерделәр. Василий Селезневның гармунын тартып җибәрүе булды, җыелучылар бер-бер артлы моңлы җырларын сузды. Көй алмашыну белән, түгәрәк уртасына Нина Вардакова чыгып такмаклар башкарды, аңа ияреп барсы да биергә төшеп китте.

Бик күп борынгы җырларны белгән авылның олы кешеләренең берсе, алты бала анасы Мария Гавриловна Вардакованың (авыл халкы аны яратып тетя Маруся дип йөретә) чыгышы җыелучыларның күңеленә аеруча хуш килде. Ул барлык җырларның сүзләрен белү генә түгел, биеп тә күрсәтеп, барсын да таң калдырды. Кичә буена гармун уйнаудан туктамады, балаларның шат көлүеннән зал яңгырап торды.

Йола буенча, бер бәйрәм дә чәй табыныннан башка үтми. Бу көнне дә кунаклар самовардан хуш исле чәй эчте, тәмле бәлешләрдән авыз итте.

Бәйрәм тәмамланды, ләкин халык таралырга ашыкмады, хәтта Маруся апа да: “Әфарин, кызлар, бәйрәм бик күңелле килеп чыкты! Мин үземне янә яшәреп киткәндәй хис иттем”, - дип шатлыгын белдерде. Мәктәп укучылары да бәйрәмнән канәгать калды һәм мондый чараларны ешрак үткәрергә кирәк, дигән теләк белдерде.

Чынлап та, мондый йолалар элеккедән килгән гореф-гадәтләрне яңартырга, бер-береңә карата игътибарлы булырга, телгә мәхәббәт хисләре уятырга, халык уеннарын һәм җырларын өйрәнергә һәм олылырны хөрмәт итәргә булышлык итә.

Антонина Клюкина, Камышлы урта мәктәбе директоры.

Читайте нас:

Телефон

8(34765) 2-32-85

Электрон почта

[email protected]

Адресы

РБ Кармаскалинский район, с. Кармаскалы, переулок Речной , 7

Реклама хезмәте

83476523285

Редакция

83476523283

Кабул итү бүлмәсе

83476523285

Хезмәттәшлек

83476523285

Кадрлар бүлеге

83476523285