“Йолдызлар янә кабына”

Конкурска әзерләнү балалардан да, укытучылардан да күп көч таләп итте. “Хореография”, “Вокал”, “Инструменталь жанр” номинацияләрендә музыка номерлары, “Мода театры” номинациясендә костюмнар һәм атрибутлар җентекләп сайлап алынды. Балалар жюри әгъзаларына балалар сәнгатенең барлык гүзәллеген күрсәтә алдылар һәм балалар бакчасының данын лаеклы якладылар.
Мәктәпкәчә яшьтән үк ата-аналар балаларын һәрьяклап үстерергә омтыла. Балалар бакчасындагы педагоглар моны аңлап, ата-аналарны да, балаларны да төрле конкурсларда, фестивальләрдә, күргәзмәләрдә һәм проектларда катнашуга җәлеп итәләр. Мондый чаралар балаларны үстерүдә җитди роль уйнамый кебек тоелырга мөмкин. Ләкин шуны аңларга кирәк, нәкъ шундый конкурслар балаларның шәхес буларак формалашуына нигез сала да инде. Һәм бу дөрес.
Беренчедән, конкурсларда катнашып, бала гади түгел, ә акыл, иҗади караш, инициатива күрсәтү һәм үзаллылык таләп итә торган эш белән мәшгуль. Икенчедән, мәктәпкәчә яшьтә алган тәҗрибә озакка, хәтта гомерлеккә исендә калырга мөмкин. Өченчедән, яшерәсе дә юк, әгәр бала уңышка ирешә икән, үзебез дә канәгатьлек тойгысы кичерәбез, моның тәрбия чарасы булуын да аңламыйча, үзебез дә горурланабыз, балаларны мактыйбыз, аларда кызыксыну уятабыз, алга барырга дәртләндерәбез.
Башлангыч мәктәптә кайбер балалар белем алырга теләми, әмма, тәҗрибәдән күренүенчә, балалар бакчасында актив булганнар мәктәп тормышына җиңелрәк җайлаша. Әлбәттә, барлык ата-аналар балаларының талантлы булуын тели. Нәкъ менә шуңа күрә алар белем бирү-тәрбия процессында актив катнашалар да инде.
Барлык нәни балалар тумыштан билгеле бер сәләткә ия, әмма аларның барысы да үсешми. Ачыкланмаган мөмкинлекләр ихтыяҗ булмау сәбәпле әкренләп сүнә бара, шуңа күрә балалар бакчасы тәрбиячеләре, ата-аналарның ярдәме белән һәр баланың табигый мөмкинлекләрен ачарга ярдәм итә торган үсеш, иҗади белем бирү мохите тудыра.
Гөлнара Мортазина, район музыка җитәкчеләренең методик берләшмәсе җитәкчесе.