Үзән
+6 °С
Яңгыр
Барлык яңалыклар
Игътибар: конкурс!
13 февраль 2018, 17:53

Балачакның хәвефсез юллары

Шул көннәрдә район Мәдәният сараенда “Балачакның хәвефсез юллары” дип исемләнгән КВН конкурсының төбәк ярымфиналы үткәрелде. Анда Башкортстанның гомум белем бирү учреждениеләре укучыларыннан торган 10 команда катнашты. Чараны Уфа шәһәрендә һәм аннан читтә профессиональ һәм креатив алып баручылар рейтингында югары урынны яулаган Евгений Рязанов алып барды.

Төбәк этапта безнең районнан “Ва-Банк”, Чишмәдән – “Тест-Драйв”, Благовардан “Красиво”, Иглиннан “Трудный возраст”, Нуриманнан – “Red Hill”, Кушнареннан - “Проспект”, Уфадан “Регулировщики”, Архангельдән – “GUCCI GANG”, Дәүләкәннән – “Беляшики” һәм Благовещенскидан “Если осмелишься” командалары көч сынашты.
КВНда катнашучылар “Кагыйдәләр буйлап киттек!”, “Скутер: шуарга әзербез!”, “Юл хәрәкәте кагыйдәләре буйлап барабыз” кебек өч конкурска әзерләнгән. Яшь, актив, максатка омтылучан һәм, иң мө­һиме, шаян һәм егәрле егетләр һәм кызлар юлларда нинди хәлләр килеп чыгуы ихтималлыгы һәм Юл хәрәкәте кагыйдә­ләрен белүнең әһәмиятен күрсәтергә тырыштылар. Мондый җитди темага шаяру­ның файдалы булуын исбат иттеләр.
БР Эчке эшләр министрлыгының ЮХХДИ вәкиле, полиция подполковнигы С.Р.Әсәнова җитәкчелегендәге жюри алдына катлаулы бурыч куелды, чөнки һәр команда да җиңүгә лаек иде. Конкурска йомгак ясап, Светлана Риф кызы “Балачакның хәвефсез юллары” дип исемләнгән КВН конкурсын үстерүгә керткән өлешләре һәм лаеклы чыгыш ясаулары өчен катнашучыларның барысына да рәхмәт белдерде.
Бу чараны оештырган өчен район хакимияте башлыгының социаль мәсьәләләр буенча урынбасары И.Ә.Галиәхмәтова, мәдәният бүлеге начальнигы Г.М.Әминева, мәгариф бүлеге начальнигы Г.М.Исән­баева, ЮХХДИ начальнигы, полиция подполковнигы М.Р.Габдрахмановка, Үзәк­ләштерелгән клуб системасы директоры З.З.Исхаковка, шулай ук командаларның нәсыйхәтчеләре – дәүләт автоинспекциясе хезмәткәрләренә Рәхмәт хатлары тапшырылды.
Конкурс нәтиҗәләре буенча, Кырмыскалы һәм Чишмә районнары командалары төбәк ярымфиналның җиңүчеләре дип танылдылар. Шәһәр командалары арасында Благовещенск вәкилләре беренче урынга лаек булды. Уфа, Благовар, Иглин һәм Ар­хангель районнары һәм Дәүләкән шәһәре командалары икенче урын яулады. Кушнаренко һәм Нуриман районнары - өченче урында. Һәр командага Мактау грамоталары һәм кыйммәтле бүләкләр тапшырылды.
Милена Шәймәрдәнова.
Автор фотосы.
Читайте нас: