Дәрт тә бар, дәрман да

Бәйрәм алдыннан район Мәдәният сараеның спорт залында Халыкара хатын-кызлар көненә багышланган “Яшьлек һәм гүзәллек” дип исемләнгән спорт бәйгесе үткәрелде. Конкурста Кырмыскалы, Бозаяз, Прибельский, Сахай, Кабак, Карлыман һәм Подлуб авыл биләмәләре вәкилләре катнашты. Яшь һәм гүзәл исеме өчен көрәшкә укытучылар, художество җитәкчеләре, тәрбиячеләр, бухгалтерлар һәм башка һөнәр ияләре җыелды.

Чараны ачып, алып баручылар Денис Фәизов һәм Виктория Истратова барсын да бәйрәм белән котладылар һәм киләчәктә дә шулай матур булып калуларын теләделәр.

Бәйге дусларча һәм җылы шартларда үтте. Биредә хатын-кызлар үзләренең иҗади, интеллектуаль сәләтләрен, шулай ук аш-су әзерләү һәм уктан ату буенча осталыкларын күрсәттеләр. Һәр этапта да гүзәл затлардан җитезлек, көч, егәрлелек таләп ителде. Соңыннан конкурста катнашучылар барсы да бер рәткә тезелеп, музыка астында аэробика элементларын башкардылар.

Конкурска йомгак ясап, Балалар һәм үсмерләр спорт мәктәбе директоры урынбасары Р.Р.Әминев актив катнашканнары өчен барсына да рәхмәт белдерде һәм бәйрәм белән котлады. Подлуб, Прибельский һәм Карлыман авыл Советлары командалары, туры килүенчә, беренче, икенче һәм өченче урыннарга лаек булдылар. Аларның барсына да дипломнар тапшырылды.

Милена Шәймәрдәнова.

Автор фотосы.

Читайте нас:

Телефон

8(34765) 2-32-85

Электрон почта

[email protected]

Адресы

РБ Кармаскалинский район, с. Кармаскалы, переулок Речной , 7

Реклама хезмәте

83476523285

Редакция

83476523283

Кабул итү бүлмәсе

83476523285

Хезмәттәшлек

83476523285

Кадрлар бүлеге

83476523285