Сөенеп кенә тора идек

Русиянең үзәк банкы ташламалы ипотеканы акрынлап 6,5 % калдырмакчы. Чөнки ил халкының күбесе әлеге программа буенча саклык акчаларын торак сатып алуга куллана.

Русия Банкының финанс тотрыклылыгы департаменты башлыгы әйтүенчә, бай гражданнар җыйган акчаларын салып кую өчен торак алып куялар, бу торакка бәяләр үсешенә китерә. Ул бу программаны "торак базарында катлаулы вәзгыять булган төбәкләргә генә озайтырга" кирәк дип саный. Риелторлар мәгълүматлары буенча, хәзер төбәкләрнең башкалаларында теләсә нинди бер бүлмәле фатирга кытлык туа башлаган.