Балалар өчен уен мәйданчыгы

Район үзәге халкы алдында чыгыш ясап, ул “Реаль эшләр” проекты ярдәмендә балаларга зур игътибар бирелә, дип белдерде.

Район хакимияте башлыгы Ф.Ф.Чыңгызов, тантанада катнашып, яшьләрнең ялы өчен уңайлы һәм хәвефсез мохит булдыруның мөһимлеген ассызыклады һәм бу мәсьәләгә район хакимияте аеруча игътибар бирә, диде. Җыелучылар футбол, баскетбол һәм волейбол уеннары өчен спорт мәйданчыгы төзелүен күр­деләр. Махсус өслек биләмәне елның салкын вакытында да кулланырга булышлык итә. Якында гына соңгы вакытта популярлык яулаган көчле спорт төрләре белән шөгыль­ләнү өчен махсус снарядлар һәм турниклар урнаштырыл­ган.

Инга Альберт кызы бу көнне шулай ук район халкын шәхси мәсьә­ләләр буенча да кабул итте. Башлыча, күпба­лалы гаиләләр социаль тәэмин итү, асылда, балалар пособиесен арттыру мәсьәләсе буенча мөрәҗәгать иттеләр. Депутат балалар пособиесе күләмен этаплап арттыруның сәбәп­ләре һәм механизмнарын аңлатты. Шулай ук мөрә­җәгать итүчеләрнең сораулары торак шартларын яхшыртуга, бушлай дарулар белән тәэмин итүгә кагылды.

Марсель Ишморатов.