Халык тәкъдиме буенча

Җылучылар алдында авыл биләмәсе башлыгы Р.Р.Хөс­нетдинов, муниципаль район Советы секретаре А.Ф.Сабиров, муниципаль район хакимияте башлыгының финанс мәсьәләләр буенча урынбасары И.Җ.Хәмитов чыгыш ясады.

Көн тәртибендә дүрт мәсьәлә тикшерелде: муниципаль берәмлек җыелышы­ның рәисе һәм секретаре тәгаенләнде, Башкортстан Республикасында урындагы башлангычларга нигезләнгән проектларны тормышка ашыру шартлары турында мәгълүмат бирелде, анда катнашу өчен проект сайланды, проектны софинанслау мәсь­әләсе күтәрелде һәм бу проектны тормышка ашыруда булышлык күрсәтү йөзеннән инициатива төркеме сайланды.

Сахайлылар теманы тик­шерүдә актив катнашты. Авыл халкы исеменнән урындагы мәктәп директоры Н.Җ.Зәйнуллин, хезмәт ветераны Н.Н.Котлыяров һәм башкалар чыгыш ясады. Авыл биләмәсе Советы депутаты Д.Р.Абакачев та үз фикерен җиткерде. Авыл билә­мәсе ихтыяҗлары: авылларны төзекләндерү, юлларны, чүп­лекне тәртиптә тоту өчен, тәү чиратта, трактор кирәк, - дип белдерде ул. Тавыш бирү юлы белән аның тәкъдиме кабул ителде.

Эльвира Ямалетдинова.