Кайт, Хәния!

Хәния Фәрхинең туган көнендә (30 майда) сөекле җырчыбызны искә алу кичәләре узачак. Мондый чара шушы көнне берьюлы өч шәһәрдә - Казанда, Яр Чаллыда һәм Уфада - оештырыла. Башкалабыздагысы Яшьләр мәдәният сараенда 19 сәгатьтә башлана.

Ә 18 майда Тәтешле районы үзәгендә аның истәлегенә татар-башкорт җыр бәйгесе үтә. Анда катнашырга теләүчеләргә район мәдәният бүлегенә шалтыратып язылырга кирәк.

Вафатыңа күпме гомер узса да, сине юксыну хисе басылмый әле, Хәния апа... Ә җырларың, синең якты җаныңның нурлары булып, йөрәк яраларын дәваласын иде.

«Кызыл таң” гәзитеннән алынды.