Республикада коры кымыз җитештерә башлаячаклар

Баймак авыл хуҗалыгы кооперативы тиздән кымызны киптереп, порошок рәвешендә сатуга чыгара башлаячак. Моның өчен уникаль цех кайтартылган.

Билгеле булуынча, кымыз - тиз бозылучы ризык, аны ерак араларга транспортировкалау мөмкин түгел. "Порошок рәвешендәге кымызны бөтен дөньяга, хәтта космоска да җибәреп булачак,", - ди проектның җитәкчесе Әкрам Горин.

Җитәкче белдерүенчә, кымыздагы бактерияләр "йоклатыла" һәм алар порошокны җылы суга салгач кына янә "уяначак".

“Кызыл таң” гәзитеннән алынды.