Янгыннарга юл куймыйк

Иске Муса авыл Сове­тының Янбай авылы янында билгесез кешенең ут белән саксыз тотынуы нәтиҗәсендә 20 гектардан артык мәйда­нында үлән янды. Янгын сүндерелде, тикшерү нәти­җәләре буенча, административ хокук бозулар турында эш кузгалтылды.

Мондый очракларны булдырмау максатында Башкортстан Республикасы Хөкү­мәтенең 2018 елның 11 маеннан урманнарда янгынга каршы режим кертелде.

Янгыннарны профилактикалау буенча түбәндәге чаралар комплексы каралган: урманда һәм аңа якын урыннарда учак ягу, үлән яки чүп-чар, шулай ук автомобиль һәм тимер юллары буенда көн­күреш һәм сәнәгать калдыклары яндыру тыела. Моңардан тыш, барлык авыллар һәм урман буенда урнашкан объектлар тирә­ләрен сөреп чыгу буенча эшләрне дәвам итәргә. Янгыннарга юл куймау һәм аларны сүндерү буенча ведомствоара мобиль төркемнәрнең эшен оештыру, янгын хәвеф­сезлеге таләпләрен бозуга юл куймау максатында урындагы халык һәм волонтерлар исә­беннән урманнарда өстәмә һәм күчмә күзәтү постлары булдыру мөһим.

Хәтерегезгә төшерәбез, РФ Хөкү­мәтенең: “Янгынга каршы режим турында”гы 2012 елның 25 апрелендәге 390нчы карарына ярашлы, торак пунктлары, гражданнарның яшелчәчелек, бак­чачылык һәм дача берләшмәләре чик­лә­рендә урнашкан җир биләмә­ләрендә даими рәвештә чүп-чарны җыештыру һәм үлән­нәрне чабу буенча зарури та­ләпләр билгеләнә. Шулай ук үләнле үсемлекләргә ут төртү, учаклар ягу, автомобиль юл­ларының аерып чыгарылган полосалары чикләрендә һәм юл яны полосаларында, тимер юлларның, юл үткәргечләрнең һәм азык-төлек үткәргеч­ләрнең саклык зоналарында чыбык-чабык яндыру тыела.

Югарыда күрсәтелгән янгын хәвеф­сезлеге таләпләре үтәлмәгәндә, җир биләмәләре хуҗалары, җитәкчеләр һәм җаваплы шәхесләр административ җаваплылыкка тарттырылачак.

Рәис Хисмәтуллин.