Мәчеләр йортлы булды

Уфада "Котейная" мәчеләр кафесы ачылуына бер ел тулды. Монда килгән кешеләр хуҗасыз песиләр белән уйнарга, аларны яратырга, хәтта өйләренә алып китәргә дә мөмкин. Әйтергә кирәк, алар барысы да ветеринар тикшерүе үткән, авыруларга каршы прививкалары бар.

Бер ел эчендә 81 песигә хуҗа табылган. Кафе хуҗаларына һәм мәчеләрне йортлы итүче игелекле кешеләргә афәрин дияргә генә кала!