Кандидатлар өчен тавыш бирделәр

- Районда яшәүче һәр кеше активлык күрсәтергә тиеш, чөнки республиканың киләчәге бу сайлаулардан тора. Праймеризны сайлау­ның мөһим өлеше дип исәп­лим. “Бердәм Русия” үз кандидатларын сайлауда тулысынча демократик, нәтиҗәле һәм үтәкүренмәле процедура булдырган, - дип үзенең фикере белән уртаклашты Абдулхай Лотфулла улы.

Ә менә Сәгыйтовларның яшь гаиләсе бер сайлауны да калдырганы юк. Әнисе белән әтисе сайлау кабинкасында тавыш биргәндә, уллары “Боҗрага ыргыт” уенында катнашып, бүләк откан. Әйт­кәндәй, бу көнне төрле интерактив мәйданчыклар эшләде.

Алдан тавыш бирүдә сайлау бюллетеньнәренә 12 кандидат кертелде. Алдан тавыш бирүдә барлыгы районның 4 259 кешесе катнашты.

Праймериз нәтиҗәләре буенча, Бабич Рушанна Юрьевна өчен 3175 кеше (74,5%), Гәрәева Айгөл Рәшит кызы өчен 3026 кеше (71%), Исмә­гыйлева Зөһрә Салават кызы өчен 2321 кеше (54,4 %), Кучаев Илдар Кадыйр улы өчен 2059 кеше (48,3 %), Гайнанова Альбина Галирәхман кызы өчен 1935 кеше (45,4%) тавыш биргән.

Хәтерегезгә төшерәм, прай­мериз “Бер­дәм Русия” партиясен­нән республи­каның закончалык органына сайлауда кандидатлар билге­ләү өчен үткәрелә. 2018 елның сентябрендә Башкортстан Дәүләт Җыелышы-Корылтайга депутатлыкка кандидатлар сайланачак. Республи­ка халкына 110 депутат сайлау көтелә. Шул ук вакытта алар­ның яртысы - бер мандатлы округ, калган 55е бердәм сайлау округы буенча сайлана.

Ринат Шайбаков.