Янгын сабыйны да кызганмаган...

Әлеге сәгатьләрдә янгынның нидән чыкканлыгы ачыклана.

Зианчура районының Иделбәк авылында өч кеше янып үлгән.

Бүген көндезге сәгать 12:30да янгын сүндерүчеләргә коточкыч хәл турында хәбәр ителә. Берничә авыл хакимиятенең янгын сүндерүчеләре килгәндә өйне ут ялмап алган булган.

Янгынны сүндергәндә өч кешенең үле гәүдәсе табылган: 34 яшьлек хатын, яшь ярымлык малай һәм бер ир. Әлеге вакытта ирнең кем булганлыгы ачыклана.

Хатынның 15 һәм 7 яшьлек балалары янган өйдән чыгып китәргә өлгергән. Шул ук вакытта, район дәваханәсенә аннан 51 яшьлек хатын китерелгән.

https://kiziltan.ru/obchestvo/19256-yangyn-sabyyny-da-kyzganmagan.html

Фото: Башинформ