Эшкуарлыкны үстерү буенча

Чираттагы “Эшкуарлар сәгате” район хакимияте башлыгы Альфир Сабировның элекке очрашуларда кушкан эшләрнең үтәлешен тикшерүдән башланып китте. Бу турыда район хакимияте башлыгының икътисадый мәсьәләләр буенча урынбасары Асия Әнәсова сөйләде.

Бу юлы очрашуда крестьян-фермер хуҗалыклары башлыклары, авыл хуҗа­лыгы өлкәсендә төрле эш­чән­лек алып баручы эшкуарлар катнашты. Аларның күбесе БР Авыл хуҗалыгы министрлыгы тарафыннан игълан ителгән республика конкурсы чиклә­рендә яңа эш башлаучы фермерлар һәм авыл хуҗалыгы кооперативлары сыйфатында грант алу теләген белдерде. Рәис Тайбугин район хакимияте башлыгына Сахай авылы билә­мәсендә яшелчә, җимеш, гөмбә һәм дару үләннәрен эшкәртү буенча цех ачу өчен бина табуда ярдәм итүен сорады. Бу максаттан ул авыл хуҗалыгы кооперативы ачарга ниятен белдерде.

Андрей Гаврилов һәм Владимир Макаров – умартачылар, 2011 елдан башлап уңышлы эшләп киләләр. Алар бизнесны киңәй­тергә һәм бал корт­лары гаиләлә­ренең санын 1000 данәгә кадәр арттырырга планлаштыра. Моның өчен, умарталардан тыш, бал кортларын кышлату өчен тәгаен­ләнгән өстәмә биләмә дә таләп ителә. Бүгенге көндә крестьян-фермер хуҗалыгы Бекет һәм Суык-Чишмә авыллары җирләрен файдалана, шулай ук умарталар­ның бер өлеше Белорет районында урнашкан.

Харрас Гафуров, Салих Атнаголов һәм Фәнис Гали­әхмәтов ит юнәлешендә терлекчелекне үстерергә ният­лиләр. Эшкуарлар грант акчаларын алу өчен дәүләт ярдәменә исәп тоталар. Көтү җирләрен киңәйтү мәсьә­ләсен хәл итү буенча берничә тәкъдим кертелде. “Абыйлы-энеле Әминевлар” авыл хуҗалыгы кооперативы, Олег Васильев җитәкче­легендәге “Ефремкино”, Камил Галиев җитәкчеле­гендәге “Синергия” җәм­гыятьләре ит ярымфабрикатлары җитештерү өлкә­сендә эшчәнлек алып баралар. Продукция район билә­мәсендә генә түгел, Уфада да сатыла. Ассортиментны киңәйтү һәм җи­теш­терү күләмен арттыру өчен корылма таләп ителә, моны алар грант акчалары исә­бенә алырга планлаштыра.

Тәкъдим ителгән уңыш­лы проектлар район җитәк­челеге тарафыннан хупланды.

Рушания Хәмәтгалимова.