“Урындагы үзидарә өлкәсендә үз эшләренең осталары, берьюлы берничә һөнәргә ия тәҗрибәле һәм яшь белгечләр эшли. Алар финансист, юрист, төзүче, юлчы һәм нәсыйхәтче дә, - диде Башкортстан Башлыгы бурычларын вакытлыча башкаручы Радий Хәбиров, “Башкортстан Республикасының иң яхшы муниципаль берәмлеге” конкурсы призерларына дәүләт наградалары тапшырып.
“Муниципаль икътисадый сәясәт һәм муниципаль финанслар белән идарә итү” номинациясендә Подлуб авыл Советы - II категория (авыл биләмәләре) өченче урын яулады. “Милләтара тынычлыкны һәм килешүне, муниципаль дәрәҗәдә милли сәясәт чараларны тормышка ашыру” номинациясендә Кырмыскалы авыл Советы өченче урынга лаек булды.
Конкурс үткәрү комиссиясе карары буенча, Подлуб һәм Кырмыскалы авыл Советлары “Иң яхшы муниципаль тәҗрибә” Бөтенрусия конкурсының федераль этабында катнашу өчен тәкъдим ителде.
“Муниципалитет дәрәҗәсендә намуслы эшләү – чынында исә, күпләрнең язмышына әверелгән мөһим бурыч. Сезнең ачыклыгыз, кешеләрне тыңлый белүегез, аларның эше өчен шартлар тудыру – бәһалап беткесез. Үз эшегезгә тугрылыгыз, гомерегезне кешеләргә хезмәт итүгә багышлавыгыз өчен зур рәхмәт, - дип ассызыклады Радий Хәбиров, бүләкләү тантанасында.
БР Башлыгының матбугат хезмәте мәгълүматлары буенча.