Кыш китәргә теләми

Алдагы тәүлектә дә республикада урыны белән - 30 градуска кадәр суытачак, дип фаразлый синоптиклар.

16 мартта болытлы һава торышы көтелә. Явым-төшем әллә ни булмаячак, төньяк районнарда гына бераз кар явачак. Җил көньяктан секундына 5-10 метр исәчәк.

Һава температурасы төнен төньяк районнарда -10, -15 градус тирәсе булачак, көньяк районнарда -18, -23 градуска, ә урыны белән -30 градуска кадәр салкынайтачак. Көндез термометр баганалары -1, -6 градус күрсәтәчәк.

Юлларның кайсыбер участокларында томан булуы ихтимал.

Гадәттән тыш хәлләр министрлыгының Башкортстан буенча идарәсеннән хәбәр итүләренчә, хәвефле метеорология күренешләре көтелми.

Автор: Язгөл Сафина.