Үзән
+11 °С
Болытлы
Барлык яңалыклар
Хәтер
20 февраль 2018, 13:19

Хөрмәтләп искә алдылар

Вакыт узган саен “Әфган” сүзе бик күп аналарның җаннарын тетрәндерә, таш-кыялар арасында башын салган газиз уллары хакындагы авыр хатирәләрне яңарта, интернациональ бурычларын үтәп кайткан ир-егетләребезнең яраларын кузгата.

Бу уңайдан Кырмыскалы авы­лының Җиңү паркында яугир-интернациона­лист­лар һәйкәленә чәчкәләр салу тантанасы үткәрелде. Нәкъ 1989 ел­ның 15 февралендә сугыш тәмамлана һәм совет гаскәр­ләре Әфганстаннан чыгарыла. Ләкин бу көнне яугирләрнең барсына да туган якларына әйләнеп кайтырга насыйп булмый, әле булса якыннары һәм туганнары аларны күз яшьләре аша искә ала. Бу көнне Әф­ганстанда гына түгел, башка төбәкләрдәге хәрби бә­релеш­ләрдә катнашкан ватандашларыбызны да хөрмәт­либез, һәлак булганнарны искә алабыз.
Безнең районнан 200гә якын солдат дәһшәтле сугышларда катнашты, 14е - Әфганстанда һәм 6сы Чечняда һәлак булды. Исән кайтканнары да мәңге төзәлмәс күңел җәрәхәте алды. Хәзерге вакытта районда 100 яугир-интернационалист яши. Алар яшь буынга патриотик тәрбия бирүдә үрнәк булып тора.
Җыелучылар алдында муниципаль район Советы секретаре А.Ф.Сабиров, Кырмыскалы һәм Архангель районнары буенча хәр­би комиссар Р.Н.Гыймалов, “Патриот” җәмә­гать оешмасы рәисе А.Ә.Ярмө­хәм­мәтов һәм Чечен Республикасында батырларча һәлак булган Валерий Вахитовның әнисе Тамара Витальевна чыгыш ясады. Алар һәлак бу­лучыларның һәм ветеран­нарның кыюлыгын һәм каһар­манлыкларын билгеләп үт­теләр һәм барыбызга да тыныч күк йөзе теләделәр.
- Интернациональ бурычны үтәү бик күп ватандашларыбыз өчен фаҗига, олы кайгыга әй­лән­де. Шуңа күрә намусны, ихтирамны, илсөяр­лек­не, тәҗри­бәне саклау зарур. Әфганстан җирендә 800 меңнән артык безнең яугирләр Кабул җире аша үтте һәм 15 меңнән артыгы һәлак булды. Андый сугышны башкача кү­рергә язмасын. Безнең иле­без­гә кул сузарга теләүчеләр бе­леп торсын: аны шул көн­нәрдә Сириядә “Бу сезгә егет­ләр өчен!” дип граната шартлатып һәлак булган Роман Филиппов кебек ир-егетләр саклый, - диде үзенең чыгышында Ринат Нуретдин улы.
- Изге җиребезне илбасарлардан саклап калган, аның иминлеге өчен гомерен дә кызганмаган Ватан сугышы каһар­ман­нары, Әфганстан, Чечен җи­рендә һәлак булган, армия сафларында хезмәт иткәндә яшь го­мерләре вакытсыз өзелгән яугир­ләрнең якты истәлеге алдында баш иябез. Аларның исеме, якты маяк булып, буыннардан-буын­нарга күчә килсен. Ка­берләргә, һәйкәлләргә сукмак өзелмәсен, - диде Айрат Әлми улы.
Митинг азагында һәлак булганнарны бер минут тын калып искә алдылар һәм яугир-интернационалистлар һәйкә­ле­нә чәч­кәләр салдылар.
Милена Шәймәрдәнова.
Автор фотосы.
Читайте нас: