Янгыннардан сак булыйк!

Кырмыскалы авы­лын­­да мунча яна, дигән хәбәр килү белән 81нче янгын частенең янгын сүн­дерү­челәре тиешле урынга барып та җит­те­ләр. Янгын тиз арада сүн­дерелде. Бәхеткә, һәлак булучылар һәм каза кү­рүчеләр юк. Иске Муса авы­лындагы агач йортта да янгын чыга.
- Янгын электр корылмаларын техник файдалану кагый­дәләрен бо­зу аркасында килеп чыккан. Ул вакытта йорт эчендә берсе дә булмаган. Хатыны – эштә, балалары мәктәптә, ә йорт хуҗасы ихатада хуҗалык эшләре белән мәшгуль булган, - ди 81нче янгын часте начальнигы Илдус Хәмитов.
Агач йортны тулысынча ян­гын телләре ял­мап алган була. Иске Му­са һәм Бозаяз авыл би­лә­мәләренең ирекле янгын дружиналары һәм 81нче янгын частенең көче белән ике сәгать эчендә янгын сүндерелә. Ә аның нәтиҗәләрен бе­терү кичке сәгать җидегә ка­дәр дәвам итә. Кыз­га­ныч­ка каршы, йо­ртта ян­гын турында ки­­сәтү ко­рылма­сы урнаштырыл­ма­ган. Әгәр ул булган бу­л­са, йорт ху­җа­сы үз көче белән аны сүн­дерә яки ян­гын сүн­де­­рү­челәрне ча­­кыра алыр иде. Бу корылма янгын кө­чәйгәнче үк, тө­тен чыга башлау бе­лән тавыш чыгара башлый.
Әлеге гади һәм арзанлы җай­ланманың эш­ли башлавы аркасын­да узган дүрт елда рес­­пуб­­ликада 501 кешенең, шул исәптән 205 ба­ла­ның гомере коткарылды. Иске Бә­беч авылындагы яшь гаилә янгын турында автоном җайланманың көч­ле тавышы аркасында, янган йорттан вакытында чыгып котылып калалар.
Хәтерегезгә төшерә­без, ян­гын төнлә чыга һәм тиз вакыт эчендә агач йортны тулысынча ялмап та ала. Янгын турында хәбәр итүче корылма та­выш би­рү башлау белән хатын бәләкәй баласын одеялга төрә дә янган ишегалды аша йорттан чыгып кача.
Янгын нәтиҗәсендә йорт­ның шактый өлеше каза күрә. Тәннәре пеш­кән хатынны дәва­ханәгә озаталар. Бәхеткә, бер яш­ь­лек сабыена бер­нәр­сә дә бул­мый. Әгәр хатын корыл­маның тавышыннан уянмаган булса, нә­­ти­җәсе аяныч тәмам­­ла­­ныр иде. Чөнки, янгы­ннарда ке­шеләр, ни­­гездә, газ һәм янган ис­кә агуланып үлә. Шу­ның өчен дә, кадерле кыр­мыскалылар, янгын турында хәбәр итүче корылмаларны куй­дырыгыз.
Янгын вакытында тө­тен өскә күтәрелә, тү­шәмдә туплана, ә аннары аска төшә. Шу­ңа күрә ян­гын га каршы җайла­нманы тү­шәмгә урнаш­тыру нәти­җә­ле­рәк, өс­­тә­­­венә, моны кеше үзал­­лы да башкарырга мөмкин. Каты йоклаган кешене утярга бер корылма кую да җитә.
Җайланма үзенә билгеле игътибар таләп итә. Елына бер тапкыр ба­та­реяләрен алмаштырырга, ярты елга бер тапкыр тузанын сөртеп алырга гы­на кирәк. Аның хакы, җитеш­те­рүчесенә карап, 300 сумнан 700 сумга кадәр тәшкил итә. Аның каравы, ул үзегезне дә, мал-мөлкәтегезне дә янгыннан саклап калырга ярдәм итәчәк.
Милена Фәйзуллина.