Техника - әзерлек сызыгында

Авыл хуҗалыгы предприятие­ләрендә игенчеләрнең төп хәстәре – тракторларны һәм прицепларны техник күзәтүгә әзерләү. Шул көннәрдә “Шәйморатов” җәмгыятенең Шәй­моратов бүлекчәсендәге “тимер атлар”ның әзерлеге тикшерелде.

- Хуҗалыкта 30 берәмлектән артык төрле техника, шул исәптән мал азыгы һәм бөртекле культуралар уңышы җыючы комбайннар әзерлек сызыгына куелды, - ди хезмәтне саклау буенча бел­геч һәм шул ук вакытта механик бурыч­ларын башкаручы Илгиз Фәй­зуллин, техниканың бер өлеше Сахай бүлекчәсендә урнашуын билгеләп. Шунысы куанычлы, шәйморатов­лы­лар, узган еллардагы кебек, яңа сезонга машиналарын бер кисәтүләрсез әзер­ләгән. Бу, әлбәттә, Рифкать Ишмөхәм­мәтов, Петр Железогло, Альфир Кәри­мов, Илшат Сафин кебек механиза­торларның тәҗрибәсе, үзләренә ышанып тапшырылган техникага җаваплы һәм сакчыл караш нәтиҗәсе.

Районның дәүләт техник күзәт­челеге инспекциясе җитәкчесе Фәнис Кадаев әйтүенчә, шул көннәрдә “Кус­тыгол-2” җәмгыятендә һәм берничә крестьян-фермер хуҗалыгында тракторлар һәм прицепларның әзерлеге тикшерелде. Аларның 90 проценттан артыгында техника барлык таләп­ләргә җавап бирә.

Тәлгать Мөхәммәтҗанов.

Марсель Ишморатов фотосы.