Үзән
+11 °С
Болытлы
Барлык яңалыклар
Хуҗалыкларда
21 июнь 2019, 11:40

Җәйнең бер көне елны туйдыра

Районда мал азыгы хәзерләү буенча күчмә семинар-киңәшмә узды. Аның эшендә муниципаль район хакимияте башлыгы А.Ф.Сабиров, авыл хуҗалыгы идарәлеге начальнигы И.Р.Латыйпов, «Башмелиоводхоз» оешмасы директоры М.А.Жигулев, шулай ук крестьян-фермер хуҗалыклары җитәкчеләре катнашты.

Районда мал азыгы хәзерләү буенча күчмә семинар-киңәшмә узды. Аның эшендә муниципаль район хакимияте башлыгы А.Ф.Сабиров, авыл хуҗалыгы идарәлеге начальнигы И.Р.Латыйпов, «Башмелиоводхоз» оешмасы директоры М.А.Жигулев, шулай ук крестьян-фермер хуҗалыклары җитәкчеләре катнашты.
Башкорт дәүләт аграр универси­тетының үсемлекчелек һәм җир эшкәртү кафедрасы профессоры Игорь Кузнецов авыл хуҗалыгы эшчәннәренең төп хаталарын билгеләп китте.
- Клевер (тукранбаш) һәм козлятник чәчүдән баш тарту – иң зур хаталарның берсе. Козлятник гомум печәнлекләрнең 10-15 процентында булырга тиеш. Чөнки ул иртә өлгерә, соңыннан люцерна белән клеверга күчәргә була. Чәчү әйлә­нешен дә сакларга кирәк. Кайбер фермерлар моңа игътибар итми, - диде үзенең чыгышында Игорь Юрьевич.
Авыл хуҗалыгы идарәлеге начальнигы Илдар Латыйпов билгеләвенчә, бүгенге көндә авыл хуҗалыгы эшчәннәренең төп бурычы – мал азыгы хә­зерләү.
- Ачыклануынча, мал азыгы сыйфатының түбәнәюе, башлыча, яшел массаның вакытында җыеп алынмавына, саклауга дөрес салынмавына бәйле. Исәпләп карасак, мал азыгының сыйфаты яхшы булса, өстәмә концентратлар таләп ителми. Печәнне чабу соңга калынса, протеинны башка азыклар сатып алып тулыландырырга туры ки­ләчәк, ә бу өстәмә чыгымнар таләп итә, - дип билгеләде Илдар Рәүф улы.
Семинарда терлекчелек өл­кәсенә кагылышлы мәсьәләләр дә тикшерелде.
Үзенең чыгышында район башлыгы бу көнне яңгыраган тәкъдимнәрне исәпкә алып, мал азыгын хәзерләүгә барлык көчне салырга кушты.
- 1 июньгә барлык хуҗалык­лардагы мал саны 22611 баш тәшкил итә, бу узган елның шул чоры белән чагыштырганда 541 башка күбрәк. Хуҗалыкларда 8054 сыер булса, авыл хуҗалыгы пред­при­ятиеләрендә һәм крестьян-фермер хуҗа­лыкларында 3513 баш асрала.
2019 елның 5 аенда барлык категория хуҗалыкларда 14,2 мең тонна сөт җи­тештерелгән, шулай ук 6132 бозау алынган, - диде чыгышында Альфир Фәрхәт улы.
Районда ветеринария доку­мент­ла­рының электрон төрен кертүгә дә тиешле игътибар бирелә. Авыл хуҗалыгы пре­д­приятиеләре, шәхси эшкуарлар, крестьян-фермер хуҗалыклары һәм авыл халкына терлекчелек продуктларын ветеринарлар тарафыннан тикшерелгәнлеккә белешмә «Меркурий» автоматлаштырылган мәгълүмат системасы аша бирелә.
Авыл хуҗалыгындагы малларны теркәү һәм иденти­фикацияләү барлык хуҗалык­ларда да тәмамланды.
Мал азыгы хәзерләү чорында хезмәтне саклау һәм хәвефсезлек мәсьәләләре буенча хезмәтне саклау буенча баш белгеч Чулпан Юнысова чыгыш ясады. Ул билгеләвенчә, урып-җыю чоры авыл хуҗалыгында иң күләмле эшләрнең берсе. Бу эшләр күпсанлы техника һәм механизмнар ярдәмендә башкарыла, байтак эшче куллар җәлеп ителә.
- Шул ук вакытта ел саен агро­сәнәгать комплексы оешмаларында хезмәтне саклау таләпләрен үтәмәгән­лектән күңелсез хәлләр булып тора. Шуның өчен техник хәвефсезлек кагыйдәләрен үтәвегезне сорыйм, - дип мөрәҗәгать итте Чулпан Фәһим кызы.
Семинар­ның практик өлешендә кунаклар район хуҗалыклары тарафыннан мал азыгы хәзерләүдә кулланылган заманча югары җитештерүчәнле техника белән танышты. Биредә “Шәйморат” җәмгыяте, “Үзәк” МТСының Кырмыскалы филиалы һәм Авыргазы күп­про­фильле колледжының район филиалы­ның мал азыгы хәзерләү техникасы тәкъдим ителде. Барлыгы агымдагы елда 62 берәмлек печән чапкыч, шуларның 19ы – югары җитештерүчәнле, Ягуар, Big X, Полесье кебек 12 комбайн, 32 тырмалау агрегаты, 39 төргәкләү җайланмалары кулланылачак.
Семинарда иң дулкынландыргыч мизгелләрнең берсе – бүләкләү тантанасы булгандыр. Шулай, югары казанышлары, һөнәри осталыгы һәм намуслы хезмәте өчен “Артемида” токымчылык хуҗалы­гының башкарма директоры Евгений Викторович Пожидаевка РФ Авыл ху­җа­лыгы министрлыгының Мактау грамотасы тапшырылды. Шулай ук Альфир Сабиров “Кырмыскалы –Агро” җәмгыяте механизаторы Владимир Аркадьевич Федоровка һәм “Үзәк” МТСының Кырмыска­лы филиалы механизаторы Рәмзил Хисаметдин улы Абдуллинга Рәхмәт хатлары тапшырды.
Ринат Шәйбәков.
Читайте нас: