Үзән
+11 °С
Болытлы
Барлык яңалыклар

Бәхетле картлык – тырышларга язмыш бүләге

Бу язмам Иске Акташ авылында туып-үсеп, бүгенге көндә Уфа шәһәрендә яшәүче Тәлгать Ибраһим улы Әхмәтҗанов турында.

Тәлгать Ибраһим улы 1938 елның 8 апрелендә гаиләдә җи­денче бала булып дөньяга килә. 1945 елда урындагы башлангыч мәктәпкә укырга бара. Урта белемне ул Сахай мәктә­бендә җәяү йөреп ала.
Мәктәпне тәмамлау белән колхозда хисапчы-кассир булып эш башлый. Ул вакытта яшь егеткә Кырмыскалы авылына велосипед белән барып, икешәр-өчәр мең акча алып кайтырга туры килә. Тиздән аны армия саф­ларына чакыралар. Хезмәтен Уссурийск-Ворошилов шәһә­рендә башлый. Биредә ул танкистлар курсында укый һәм 1961 елда танк экипажы командиры вазыйфасына тәгаенләнә. 1962 елда отпускка кайткан вакытында авылдашы – Салиха Солтанова белән танышып өйләне­шәләр һәм хезмәт иткән урынына икәүләп китәләр. Шул ук елда аны Германия Демократик Республикасына җибәрәләр, биредә ул Потсдам шәһәрендә танк командиры булып хезмәтен дәвам итә. 1967 елда хәрби хез­мәткәрне Молдавия­нең Тирасполь шәһә­ренә күчерәләр. Би­редә тормышларына ямь өстәп, Лариса һәм Ирина исемле кызлары туа. Отставкага чыккач, ту­ган якларына кайталар һәм Уфа шәһә­рендә төпләнәләр. Биредә ул рәссәм-бизәүче булып эшли. Туган якның тарту көче бик нык шул, шуңа да Әхмәт­җа­новлар җәй көннәрен Иске Акташ авылында җиләк-җимеш үстереп, ямьле Агыйдел буенда ял итеп үткәрәләр. Иң зур куанычлары - онык-оныкалары кунакка кайтып, нәнәй-картәти­ләрен сөен­дереп тора. Гаилә башлыгының күркәм юбилее уңаеннан да якыннары, туганнары, дуслары һәм хезмәт­тәш­ләре иң изге теләкләрен җитке­рәчәк. Хөр­мәтле якташыбызга без дә исәнлек-саулык, бәхетле гомер телибез.
Касыйм Хәмитов.
Сахай авылы.
Читайте нас: