Иҗтимагый палатасыннан рәхмәт хаты

Уфа шәһәр округының Иҗтимагый палатасы утырышында шәһәр чараларында актив катнашканы, Уфаның мәдәни тормышын үстерүгә, халык йолаларын саклауга һәм популярлаштыруга керткән зур өлеше өчен Прибельский күпфункцияле мәдәният йорты хормейстеры Дарья Якунинага Рәхмәт хаты тапшырылды.

Башкортстан митрополиясенең “Яшә, авыл” республика социаль-мәдәни һәм миссионерлык проекты җитәкчесе Ольга Самарина чакыруы буенча “Хорошие девчата” вокаль ансамбле һәм Дарья Якунина җитәкчелегендәге “Прибельские зори” рус халык җырлары хоры проект чикләрендә Уфа, Салават, Ишембайның төрле сәхнә мәйданчыкларында актив концертлар алып барды, махсус хәрби операция сугышчыларына ярдәм йөзеннән концертларда, Уфаның юбилей чараларында катнаштылар.
Мария ИВАНОВА