"Үзән" гәзитенә язылып, бүләк оттылар

Ильвира Сираҗетдинова, Илтуган авылы:- “Үзән” гәзитен байтак еллар алдырабыз, башыннан азагына кадәр яратып укыйбыз. Бу гәзит безгә бик ошый. Шигырьләр, хикәяләр, төрле яңалыкларны гәзит аша беләбез. Үзем район мәдәният йортында эшлим. Тормыш иптәшем Рәмил Шәйморатов паркында эшли. Район басмасын көтеп алабыз, рәхәтләнеп укыйбыз. Бүләк чыкканга бик шатландык, - диде Ильвира Марат кызы.

Интернет челтәренең тиз үсеше, күп кешене телефон аша яңалыклар белергә этәрде.
Ләкин гәзитне кулга алып, аның битләрен ачып укуы үзе бер ләззәттер ул. Күп кенә мәгълүматлар, гәзит битләрендә генә чыга. Без, сезгә кызыклырак мәкаләләр, яңалыклар бирергә тырышабыз. Район гәзите белән дуслыгыбызны дәвам итик.

Гөлчәчәк ӘСӘДУЛЛИНА.