Мал суюны – күзәтү астына

- Эпизиотик иминлекне саклау һәм республикага авыруларны кертмәү максатында түбәндәге чараларны төгәл үтәү мәҗбүри: тиешле ветеринария документлары булмаган малларны, аеруча Россия Федерациясенең баш­ка төбәкләрендәге сәүдә урыннарыннан сөт һәм сөт продуктларын, ит һәм ит продуктларын сатып алмаска; ветеринария документлары булган азыкларны һәм азык өстәмәләрен генә сатып алырга; теге яки бу вирусның клиник билге­ләренә шик булган очракта кичекмәстән район дәүләт ветеринария хезмәтенә мө­рәҗәгать итәргә кирәк.

“Ит һәм ит продукция­се хәвефсезлеге турында” техник регламент нигезендә терлекләр махсус урыннарда гына чалынырга, ә андый урыннар теркәлергә һәм махсус сертификатка ия булырга тиешләр. Регламент ниге­зендә, итне махсус машиналарда гына күчереп йөртергә мөмкин. Мал чалу да ветеринар табибның күзәтүе астында башкарылырга ти­еш. Малны ишек алларында суйганда, ветеринария-санитария һәм гигиена таләп­ләре тулысынча үтәл­ми. Малның калдыкларын җир­гә күмеп куярга, канын шунда агызырга ярамый. Алар җыеп алынырга һәм махсус эшкәр­тү урыннарына бире­лергә тиеш. Өстәвенә, әлеге юл белән терлек чалу кеше һәм мал өчен уртак булган кайбер чирләрне китереп чыгарырга мөмкин. Әйткәндәй, бу таләпләр - сату өчен тә­гаенләнгән продукт­лар өчен, ә инде шәхси хуҗалыкларда үзләре өчен асраган малларга кагылмый.

Сугым пунктларына да таләпләр зур. Алар торак пункт­ларга 300 метрдан да якынрак урнашмаска тиеш. Этләр, мәчеләр, маллар кереп йөремәслек итеп, би­ләмә койма белән әйлән­де­реп алына. Хәзерге вакытта без­нең районда мал сую Колыш авылы янындагы “Хә­ләл” пунктында башкарыла.

Галинур Кунакаев,

район ветеринария станциясе начальнигы.