Үзән
+9 °С
Ачык
Барлык яңалыклар
Белгеч киңәш итә
27 апрель 2018, 12:46

Яңа кагыйдә буенча

Агымдагы елның 1 гыйнварыннан русиялеләр диспансеризацияне яңа кагыйдәләр буенча үтә.

Хәзер кан һәм сидек анализын тапшыру, УЗИ тик­шерүе төшеп калачак, аның каравы яман шешкә кагылышлы тик­шерүләрне күбәй­тергә җы­еналар.
Тулы тикшерү һәм анализ нәтиҗәләре киң таралган чирләр турындагы бөтен сорауларга ачыклык кертәчәк. Онкоскрининг уздыруга зуррак игътибар бирәчәкләр. Шуның ярдәмендә яман шеш авыруларын башлангыч стадиядә үк ачыклау һәм дәвалау мөмкин булыр дип өмет­ләнәләр. Нәкъ шуңа бәйле рәвештә хатын-кызлар өчен 39 яшьтән башлап 51 яшькә кадәр маммографик тикшерүләр узу мәҗбүри булачак. Туры эчәклектәге яман шеш­ләрне ачыклау өчен дә еш­рак анализ бирергә туры ки­ләчәк. Яшь барган саен, бу төр авыру килеп чыгу куркы­ны­чы арта. Моны 49 яшьтән башлап һәр ике ел саен үтү мәҗбүри булачак.
Диспансеризация үткәндә кайбер төр тикшерүләрдән баш тартырга булганнар. Моңа кадәр, мәсәлән, йөрәк һәм кан тамырлары авыруларын кисәтү максатыннан, электрокардиография үтү 21 яшьтән үк мәҗбүри иде. Хәзер мәҗбүри ЭКГны ир-атлар - 35, хатын-кызлар 45 яшьтән тапшырачак. Моннан тыш, табиб һәр кешенең күрсәт­кечләре буенча аерым тик­шерүләр билгели алачак. Әгәр дә диспансериза­циянең беренче этабында теге яки бу проблема ачыкланса, ул юнәлештә күбрәк тик­шерелү үткәреләчәк. Әйтик, кан басымы күтәрелсә, холестерин күләме югары булса, артык авырлык бар икән - болар баш миендә кан әйләнеше бозылуына китерә. Моның өчен арте­рияләрне тикшерергә кирәк булачак. ПСА күрсәткече күтәренке булса, уролог һәм хирургка күренү мәҗбүри.
Земфира Ханнанова, район үзәк дәваханәсенең поликлиника мөдире.
Читайте нас: