Гомерне озайту өчен 10 киңәш

Чөгендер югары кан басымына каршы көрәшә. Ә статистика буенча, гипертония – инфаркт һәм йөрәк-кан тамырлары авыруларының иң төп сәбәпчесе.

Тикшеренүләр күрсәткәнчә, кеше үз гомеренең 10-15 елын телевизор каршында үткәрә икән! Ә бит бу вакытны күпкә файдалырак та итеп үткәрергә була.

Кәнфит һәм тортларның организмга бер файдасы да юк, ә менә зыяны шактый. Баллы яратсагыз, кипкән җиләк-җимеш, бал, бер дә булмаганда шикәр аз кушылган печенье ашарга була.

Америка галимнәре ачыклаганча, яраткан кешең белән кимендә 30 секунт кочаклашып тору организмда стресс гормоннарын киметә һәм кан басымын төшерә.

Сәламәт кеше көнгә 4-15 грамм тоз ашарга тиеш. Шуннан артып китсә, йөрәк-кан тамыры системасына авырлык килә. Чипсы, тозлы чикләвек һәм сохарида тоз 15 граммнан күпкә артыграк.

Кояш нурлары D витамины эшләп чыгара. Ә бу витамин күпчелек бактерияләрне үтерә, депрессиягә каршы көрәшә, йөрәк-кан тамыры системасы чирләреннән саклый.

Көнгә 2-3 телем яшелчә һәм җиләк-җимеш ашап кую организм өчен бик файдалы.

Америка галимнәре гомерне якынча 14 елга озайтуның серен ачкан. Моның өчен даими рәвештә физик күнегүләр ясарга, тәмәке тартмаска, эчмәскә һәм күбрәк яшелчә, җиләк-җимеш ашарга.

Көнгә кимендә 10 мең адым ясарга кирәк. Бу йөрәк-кан тамыры системасын тәртиптә тоту өчен кирәк. Өстәвенә, артык авырлыкка каршы да яхшы чара.

Елмаю, көлү, яхшы кәеф гомерне озайта – монысы инде күптән дәлилләнгән факт.