Юл-патруль хезмәте рейдка чыкты

Мондый чараларны нәти­җәлерәк үткәрү өчен ЮХХДИ экипажлары авыллар буйлап йөреде. Тикшерү барышында страховка полисының юклыгы, эләктерелмәгән хәвеф­сезлек каешы һәм транспорт чарасын тиешсез урынга туктату һәм кую кебек юл хә­рәкәте кагыйдәләре буенча күп кенә җитешсезлекләр ачыкланды.

Җылы көннәр башлану белән юлларда скутер, мопед һәм мотоциклларның саны бермә-бер арта. Бу уңайдан “Мотоцикл” дигән профилактик операция үткәрелә. Аның барышында эчкән килеш транспорт чарасына идарә иткән водительләр тоткарлана.

- Шундый рейдлар даими үткәрелеп торганда, води­тельләр дә юл хәрәкәте кагый­дәләрен бозмаска тырышачак. Шулай ук гомум көч белән без юл хәрәкәтенең хәвефсезлеген дә тикшерәбез, - ди районның дәүләт автоинспекциясе начальнигы полиция подполковнигы М.Р.Габдрахманов. – Яз башында води­тель­ләр юл кагыйдәләрен бозып, каршы як юлга чыккан, үзләренә һәм башкаларга куркыныч тудырган урыннарда без эксперимент өчен квадракоптер файдаландык. Ул биеккә күтә­релеп, юлны тө­шерә бара. Андагы күренеш шунда ук телефонга тапшырыла, җитеш­сезлек ачыкланган очракта, квадракоптер номерын укый алганчы транспорт чарасының артыннан бара. Мәгълү­матның постка тапшырылуы хезмәткәрләргә закон бозучыны тоткарларга мөмкинлек бирә.

Бу бик уңайлы, ләкин аның да бер җитешсез ягы бар - квадракоптер салкынга чыдамый, батарейкалары тиз утыра. Шуның өчен дә бу тәҗ­рибәне көннәр ныклап җы­лыт­канчы туктатып торырга булдык.

Милена Шәймәрдәнова.

Автор фотосы.