Мич якканда сак булыгыз!

Торак йортларда мич салганда һәм алардан файдаланганда янгын хәвефсезлеге та­ләпләрен үтәүгә аеруча игътибар бирергә кирәк. Мичләрнең кирә­геннән артык кызуы, кирпечләрдә ярыклар барлыкка булу, ягу өчен тиз кабынып китә торган сыеклыкларны куллану, мич авызыннан яки аның көл җыю урыныннан утлы күмерләрнең төшүе - янгын­нарның төп сәбәбе. Төтен торбаларындагы ярыклар һәм аларга корым утыру сәбәпле дә янгын килеп чыгарга мөмкин.
Мич салганда билгеле бер таләпләрне үтәү зарур. Ярыклар барлыкка килмәсен өчен мичне аерым нигезгә утыртырга кирәк. Аның стенасы бинаның стенасына тиеп торса, аны да кирпеч белән тышлау мәҗбүри. Төтен каналы якындагы эчке өслеген­нән бинаның агач өлешләренә кадәр аралык ким дигәндә 25 сантиметр булырга тиеш. Мич белән стена арасында да ара калырга тиеш. Төтен чыгу юлларын агартып торырга кирәк, шуның белән бергә андагы ярыкларны күреп, сылап куярга мөмкин.
Утын мичнең яна торган өле­шенә сыярга, озын булып чыгып торырга тиеш түгел, чөнки утлы күмерләр һәм кисәү башлары идән­гә төшәчәк. Агач идән төшкән күмер­ләрдән янып кит­мәсен өчен, мич авызы алдына ким дигән 50x70 см үлчәмдә калай куялар.
Бинаның мичкә һәм төтен чыгу юлларына якын урнашкан агач конструкцияләре югары темпера­тура­ның даими тәэси­реннән кабынып китәргә мөм­кин. Көч­­ле суыкларда, мичнең кирә­геннән артык кызуыннан сакланыр өчен аларны тәүлеккә ике тапкыр бер­никадәр вакыт үткәч кенә ягарга кирәк. Яна торган мич авы­зы янына утын һәм башка җиңел кабынып китә торган әйберләр ку­ярга, мич янына киптерер өчен кер һәм өс киемен эләргә, мичне капкачы ачык килеш күзәтүчесез калдырырга һич кенә дә ярамый.
Үзегезнең, якыннарыгызның хә­вефсезлеге үз кулыгызда. Шуны онытмагыз!
Илгиз Гаделшин, Авыргазы районара күзәтчелек һәм профилактика бүлегенең өлкән дознавателе, эчке хезмәт капитаны.